أخونا sam4ever يقول:
===================
ويا ترى يا ابراهيم الانسان هو الاولوية القصوى فى العالم المسيحى
ويا ترى الكلام ده كان امتى
فى عصر محاكم التفتيش ولا لما اصبحت المسيحية الدين الرسمى للامبراطورية الرومانية
===================

إذا حكمت على الروحانية المسيحية من خلال مساويء "المؤسسة الكنسية" فهذا غير منصف. المؤسسة الكنسية لها مساوئها ولها جرائمها ولكن في الروحانية المسيحية يقول إيرينيوس "مجد الله هو الإنسان الحي". الإنسان هو قصد الله. لو قرأت أي كتاب من كتب اللاهوتيين الكاثوليك لوجدته يتمحور حول مركزية الإنسان. أكيد المسيحيين فيهم وساخة من كل شكل ولون وتعاملت مع أوباش كثيرين فيهم وناس تستاهل ضرب الجزمة. هذا لا أختلف فيه وهذه هي تجربتي الشخصية. ولكن المسيحية بذاتها كروحانية شيء آخر تماماً.

Arrayاللى انا اختبرته كويس من خلال حياتى وسط الاقباط انهم اكبر ناس انتهازيين
.
.
ونلاقى قداسة البابا المعظم الانبا شنودة الثالث يروح يصوت للحكومة ويقول الحقوا مكس ميشيل هيعمل طايفة وده يخالف الخط الهمايونى
[/quote]

الله ينور عليك. معك في ما تقول هنا قلباً وقالباً. لو أن المسيحية بروحانيتها هي نفاق مؤسسة البابا شنودة، لا أدري ماذا كنت فعلت وأنا في سن العشرين والحياة كانت إما أبيض أو أسود: إما مسلم أو مسيحي. لم نكن نعرف أطياف أخرى للفكر بخلاف ذلك. الآن أقول، الإلحاد بكل تأكيد أشرف من اتباع مؤسسة البابا شنودة أو الخضوع لها. من يرضى بسلطويته فهو خانع وفاقد العزة والكرامة وأنفة النفس وممسوخ العقل والضمير.

Arrayممكن اعرف الاقباط بقيادتهم ومفكريهم اللى بيدوروا فى فلك الكنيسة مخدوش اى موقف محترم ليه فى الدفاع عن البهائيين وحقوقهم المدنية[/quote]

في الأقباط، بعد سلامة موسى وعزيز سوريال عطية المؤرخ، لا تجد واحد قبطي محسوب على الفكر وأهله وهنا أقصد الفكر الحر. المجتمع معاق عقلياً وفكرياً.. عليك بالشوام وهم أرباب الفكر الحر.

خيابة ما بعدها خيابة

بقى من وسط كارثة انفلونزا الطيور دي كلها مش لاقيين الا حكم قتل الخنزير عشان يشبطوا فيه

الجنازه حارة والميت كلب وطبعا لازم مصر تبقى اكتر بلد انفلونزا الطيور عشش فيها ... اووووووف

بما أن زر المشاركة لم يسمح لي بتعديل إضافي.. أحب أن أضيف الآتي لردي أعلاه:



وكيف يدافع الأقباط عن البهائيين وهم أحفاد لمؤسسة يديرها عقل أبوي بطريركي "كبير العيلة"؟

أنا وأنت من سندافع عن البهائيين والمهمشين؛ هذه هي قضيتنا نحن؛ أنا وأنت.

Arrayفى الدفاع عن البهائيين وحقوقهم المدنية[/quote]

لو عندك اقتراح بخصوص عمل أي شيء عشان البهائيين، ابعت لي رسالة على بريد النادي الخاص. لو خطر ببالك أي خطوات فعلية.

اخويا ابراهيم
انا مش معاك في اللي قلته عن ان مصر اسوأ نموذج للتدين رغم البلاوي اللي بشوفها ، وانا مش بكلمك عن شخصي حاشا وكلا ، فما انا الا طبال من غير دف تخيل انت واحد بيطبل ازاي يكون متدين
لكني بقابل نماذج متدينه وواعيه وبتفهم كتير ، كل المشكله لما بيكون واعي انه مبيعرفش يتواصل مع الغير ، لانه بيتم تصنيفه : مُخلّط ومتزندق وكلام عبيط من ده لكني صدقني فيه نماذج جيده ، اه اصبحت مصر الان لا تمثل النموذج الجيد للتدين اللي بتحكي عنه وفي دماغك واصبحت الساحه مليانه بقليلي الايمان والمتظاهرين شكلا بالتدين في كلمات وتشدقات لكن هذا لا ينفي وجود غيرهم

عن البهائيين
حضرت محفلا للدفاع عن البهائيين بمصر كان فيه امين بيه البهائي راجل عسول عنده يجي 70 سنه بهائي ابا عن جدا وبيموت في حاجه اسمها علي ابن ابي طالب ، قالي عندي ليك شغلانه حلوه هجبلك الكتب بتاعتنا تنشرها وتقراها وتكتب رد عليها وهتلعب البليه معاك ، قالي سيبك من اللي بيتقال ده واقرا الكتب لما سألته عن الديانه بعض الاسئله ، وقال متشغلش بالك بالبهائيين اللي في مصر هم لا يمثلوا البهائية في صورتها الفكريه يعني اذا بتلاقي بهائي لا يعرف كتبه المقدسه كيف يكون بهائي وكيف تدافع الناس عن قضيته .. قال بص ع البهائيين اللي في الاردن وتركيا وامريكا هتلاقي ناس جامده واصحاب فكر .. المهم انا رايي من راي امين بيه اذا الشخص لا يعرف قضيته ولا يتقاتل ويتفانى من اجلها فلا ينتظر من يدافع عنه وان يختزل الناس القضيه في استخراج بطاقة او هويه فهذا من هطل المصريين اللي يعملوا من الحبه قبه

طاب يومك اخويا ابراهيم

Arrayلكني بقابل نماذج متدينه وواعيه وبتفهم كتير ، كل المشكله لما بيكون واعي انه مبيعرفش يتواصل مع الغير ، لانه بيتم تصنيفه : مُخلّط ومتزندق وكلام عبيط من ده لكني صدقني فيه نماذج جيده ،[/quote]

الغالي يجعله عامر، الأخ الحبيب،

ممكن لو تكرمت تبقى تكلمني شوية عن النوعية دي؟ حالياً ظهرت موجة من التدين الشكلي وصارت هي الموضة خاصة مع ظهور عمرو خالد. طول عمري معظم أصحابي أطباء متدينين وكانوا شخصيات بمعنى الكلمة وعلى عمق وزي ما بنقول بالانكليزي character people لكن اللي باشوفهم حالياً شوية ناس رعاع وكل شوية يقول لك: صلي ع النبي إلخ. الموضوع ده زاد بشكل مقزز. لي صديق يهودي تربي في مصر والمجتمع المسلم اللي هو انتمى له كان مختلف كل الاختلاف عن الأوباش اللي بنشوفهم اليومين دول. بيقول لي إن جارته بتقول له: اسكندرية احلوت يا ....والنبي مش احلوت؟ وهو نفسه ممكن يحلف لها بالنبي وفيه أريحية وود غيرعادي. ما أراه الآن هو زمن مزعج وغير مريح. لا جاذبية في ما أراه من تدين منتشر في مصر حالياً. أحب اللمسات الإيمانية الجميلة. مرة زوجة واحد صاحبي (مسلمة) قعدت تكلمني كلام إيماني كان قريب من الكلام المسلم وكنت مبسوط بالاستماع ليها ومنبهر بالعمق في شخصيتها ولكن مش ده المنتشر حالياً. شكرا على تجاوبك معي.

حبيبى يجعله عامر
اخباراتك ايه

شوف يا سيدى
فعلا فيه متدينيين مصريين عارفين ان الدين ده شيء شخصى ومن اقرب اصدقائى الواثق وده انا اتعرفت عليه من منتدى الملحدين العرب
بس الفئة دى يا صديقى هى الفئة المثقفة واللى قدرت تطلع على مجموعة من اراء ومعتقدات اخرى
ولكن الغالب فى الشعب المصرى حاليا هو الهروب الى التدين الظاهرى الذى يتمسك بالقشور بالاضافة الى مجموعة من المطبلين والمزمرين الذين يعزفون فقط على حتة احنا احسن امة اخرجت للناس ويرد عليهم ناس تانية ويقولوا احنا ولاد الحرة وانتو ولاد الجارية
والهبل اللى دايما الواحد مضطر يسمعه فى اى حتة فى مصر دلوقتى


بالنسبة لموقفك من البهائيين
شوف يا سيدى
انا قابلت عم امين الراجل العسل اللى بتتكلم عنه فى ندوة عن حقوق الاقليات الدينية
بص
البهائى زيه زى اى مصرى
بيطلع دين اهله طول اليوم عشان يقدر يوفر حياة فى حدها الادنى لاسرته
ومش كل الناس ظروفها تسمح بانها تتحدى المجتمع
ومش كل الناس مثقفة وفاهمة هم بهائيين ليه ولا حتى هندوس ليه
زيهم زى المسيحى والمسلم اللى اتولد لقى نفسه مسيحى واتربى مسيحى ومصالحه كلها اترتبت على الوضع ده
مش من حقى ان اعمله محكمة عشان اعرف هو عارف قضيته ولا لا
والا يبقى بلاها حقوق انسان ما هو معظم النساء مش فاهمين حاجة فى البطيخ والاقباط معظمهم مسمعوش عن الخط الهمايونى
المشكلة مش مشكلة الناس عارفة قضيتها ولا لا
لان الظلم مش واقع عليهم وبس
تقدر تقوللى ايه ذنب الطفل اللى مش بيتطعم ومعندوش اى اوراق رسمية
والطلبة اللى الحكومة بتذل دين ابوهم عشان يدخلوا الامتحانات

sam4ever
سلخير عليك
موافقك على كلامك اعلاه ولا يتعارض مع ما قلت انا قبله ولو اردنا ان نحكي عن السواد في مصر وسدة النفس لنفد البحر قبل ان تنفد كلمات الحواديت المصريه السيئة الى ابعد الحدود - صدقني كثيرين من المتواجدين والمتدينين اسما لا يهمهم اي دين في شيء المصريين يا اخي ناس عسل والله مع الفراعنه فراعنه مع المسيحين مسيحين مع السنه سنه ومع الشيعه يبقوا من محبي ال البيت ولو دخلت ديانه جديده ولتكن بهلولية نسبة الى عم بهلول سيكونوا بهلوليين بس اهم حاجه تبقى البهلله منتجه .. كلام جميل
لكن زي مقال غيري وقلت فيه ناس كويسه ليها خط ماشيه فيه ولا تتاثر باتباع بهلول ولا تجري ورا الفول ... كتير بلعن ويلعن غيري الكلام وبفتكر ديما جمله قريتها زمان : لأنا أمة كلام كانت رسالات الاله الينا كلاما ، وبصوره شبه ديمه ننشغل بالكلام ولا نلج الى الداخل ولا نفكر عن معاني .. مش هو ده اللي بتشوفوه في مصر من المسحيين والمسلمين والبهلوليين ، وبتشوفوه هنا في مناقشات العرب مع بعضهم ع النت وهل الانشغال بنصب المرفوع وخفض المنصوب وقلت وقال الا انشغال بالكلام ...

وما دام شفت عم امين يبقى انت اكيد اكيد في مصر
تحياتي لمصريتك ولا تستمع " نصيحة " لأغنية شيرين عن مصر رغم ان المصريين الكفرانين في الغربه بيحبوا الاغنيه ديه

Array
والا يبقى بلاها حقوق انسان ما هو معظم النساء مش فاهمين حاجة فى البطيخ والاقباط معظمهم مسمعوش عن الخط الهمايونى
[/quote]

الجهل هو تخطيط حكومى .. أصلاً الغزاة منعوا التعليم القبطى ، وحصلت حركة أثناء فترة الإنجليز ، لكن الثورة أزالت كل الأنشطة القبطية
يعنى بدون مدرسة وجريدة وإذاعة وتليفزيون وحزب .. هنوصل للناس إزاى ؟

الاول كدة يا عم قطقط صلى على النبى وارسم الصليب
وتعالى نشوف الكوارث واختلاط المفاهيم وازدواج المعايير اللى موجودين فى السطرين اللى انت كاتبهم

Array
الجهل هو تخطيط حكومى .. أصلاً الغزاة منعوا التعليم القبطى ، وحصلت حركة أثناء فترة الإنجليز ، لكن الثورة أزالت كل الأنشطة القبطية
يعنى بدون مدرسة وجريدة وإذاعة وتليفزيون وحزب .. هنوصل للناس إزاى
[/quote]
1- بلاش والنبى حكاية المؤامرة الحكومية الاسلامية العالمية اللى بتتعمل على الاقباط الغلابة
2- ايه علاقة الغزو العربى ومنع اللغة القبطية باللى انا كاتبه او اللى انت مقتبسه .
3- الحركة اللى انت بتتكلم عليها دى كانت حركة علمانية قبطية وتم اجهاضها بفضل تحالف الكنيسة مع الدولة
4- الثورة او النكسة زى ما انا بحب اسميها ازالت كل الانشطة لكل الاطياف بلا استثناء
واقرا على اللى حصل للاخوان وقت عبد الناصر واللى حصل لليساريين وقت السادات وانت تعرف
5- كمان تعالى نحلل اخر جملة انت كاتبها

مش فاهم قصدك بكلمة مدرسة , يا ترى هتعمل بيها ايه , كمان المدارس القبطية او التابعة للاباء الفرنسيكان او الاباء اليسوعيين موجودة
كمان عاوز جريدة ازاى يعنى , حاجة تتكلم عن الاقباط
عندك الوطنى اليوم والمشاهير
جريدتين بيتكلموا عن اللاهوت كمان يعنى تقدر تعتبرها جرايد تبشيرية
بس فيهم عيب واحد بس
ان كل اللى بيشتروهم اقباط

كمان عاوز اذاعة وتليفزيون
مش شايف انها وسعت منك شوية
كمان ما الاقباط عندهم قنوات دينية على النت
بس للاسف بيستغلوها اسوأ استغلال ممكن
ولكم فى زكريا بطرس عبرة يا اولى الالباب

ايه بقى الحزب ده كمان
طب قوللى الاول
ايه رأيك فى حزب سياسى للاخوان
موافق؟

اه
لو عاوز توصل للناس انزل الشارع واطلع برة قوقعة الكنيسة
هتلاقى الناس بتتمشى على النيل وعلى البحر وقاعدة على القهاوى وبتروح ندوات ثقافية
هتلاقى الشباب بتدور على بنت تعاكسها والطالب رايح كليته والعامل رايح مصنعه
يعنى الناس موجوده ومش محتاجة كل اللى فات عشان توصلها
صدقنى يا قطقط
الحل الوحيد للاقباط انهم ينسوا الدين ويتعاملوا كمصريين
ينزلوا فى المظاهرات ويطالبوا بحقوقهم كمصريين
يا ترى فيه كام قبطى فى حزب الغد؟
او التجمع؟
او الكرامة؟
او الناصرى؟
طبعا الوفد ليه حالة خاصى والوطنى مليان اقباط ببركة قداسة البابا المقدس