رائف
عضو متقدم
المشاركات: 415
الانضمام: Mar 2007
|
الحاج متولي والشخصية المحمدية
من كم يوم شفت حلقة من مسلسل الحاج متولي بتاع نور الشريف وحسيت إن المسلسل لفت انتباهي عن أي مرة شفت فيها حلقاته قبل كده ـ لأني عمومًا بشوف التليفزيون للتسلية ـ المهم ركزت في أحداث المسلسل وطبيعة شخصية الحاج متولي ولقيت تشابه مذهل مع شخصية المدعو محمد بن عبد الله ( أسوأ من أنجبت البشرية في نظري بسبب سوء العواقب التي عادت على البشرية من وراء دعوته ) , ودي بعض النقاط اللي سجلتها :
1 ـ متولي بدأ حياته فقيرًا وكان رافض الزواج من واحدة فقيرة زيه وقال لعايدة رياض : انتي تشوفي واحد يرفعك لفوق وأنا أشوف واحدة ترفعني , وبمجرد وفاة صاحب المحلات اللي بيشتغل عنده ( الحاج سلامة ) بدأ يسعى إنه يتزوج مراته زبيدة اللي هي صاحبة المال في الأساس لغاية الست ما اتجوزته وبدأ يسيطر على تجارتها ويظبط وضعه في السوق , والملاحظ أنه لم يسع طوال خمس سنوات أن يتزوج عليها رغم أنها المفروض أكبر منه سنًا بل لم يجرؤ على ذلك ( !!!!! ) على الرغم من ولعه الشديد بالتعدد الذي يظهر فيما بعد والذي هو نتيجة طبيعية لحرمانه السابق في بداية الشباب ..
الغريب أن هذا نفس موقف محمد الذي بدأ حياته فقيرًا والذي لم يفكر في الزواج حتى سعت إليه خديجة الأرملة الغنية , ومحمد رحب بالزواج من خديجة وظل وفيًا لها ولم يجرؤ على اللعب بديله طوال فترة حياتها ..
2 ـ بمجرد وفاة زبيدة ( خديجة عند محمد ) متولي انفلت عياره وخلال سنتين فقط كان متزوج ثلاثة من النساء ( !!!! ) غير سعيه للرابعة والذي لم يكتمل بسبب تشاؤمه من الزواج منها ( ميمي جمال ) , والغريب أنه كان يرغب كرجل في الزواج وممارسة الجنس مع كل واحدة منهن بالإضافة إلى تحقيق مصلحة مادية من هذا الزواج ( مع أمينة كان يحتاج إلى نفوذ عائلتها , ومع نعمة الله كان يحتاج السيطرة على السوق عن طريق محلاتها التي ضمها لامبراطوريته , ومع مديحة كان يحتاج إلى شوية تظبيط في الضرائب والحسابات ) ..
نفس الأمر مع أخينا في الإنسانية ( للأسف ) محمد بن عبد الله , فبمجرد موت خديجة بدأ في الزواج من أكثر من واحدة والموضوع فتح معاه بعدها على البحري وايشي عائشة وايشي مارية وايشي يهودية وايشي زينب بنت جحش وأصناف وألوان وحب وحنان ودلع نسوان .. وطبعًا كله من أجل الدعوة العظيمة اللي هتخرج البشرية من الظلمات للنور وكل واحدة كان بيتزوجها كان أكيد في هدف نبيل من ورا زواجه منها .... بصراحة الراجل دا كان بيتعب كتير عشان خاطرنا وكان ساعات بيلف على نسوانه كلهم في يوم واحد عشان خاطرنا وعشان خاطر الدعوة العظيمة لهداية كل البشرية !!!!!!!!!!!!!!!
3 ـ لما كبر الحاج متولي في السن بدأ بلبله ( أبو دومة بتاعه على حسب تعبير حبيبنا نيوترال ) ينقح عليه , وحب بنت في مثل عمر بناته اسمها سميرة ( بنت ميمي جمال الحبيبة القديمة اللي كان عايز يتجوزها لهدفين ثنائيين في نفس الوقت السيطرة على محلات جوزها المرحوم وإنه يروش نفسه معاها ) والغريب إن ابنه سعيد طلع بيحب نفس البنت وتنتهي المشكلة بدكتاتورية غريبة إنه يمنع ابنه من الزواج بها عشان هو فشل معاها وابنه مينفعش يتزوجها , والملاحظ هنا إنه بدأ يدور على بنت تانية في عمر أولاده وتزوج من بنت زميلة سميرة ولكن عندها طموح مادي اللي هي مونيا , ودا التشابه مع محمد بن عبد الله إن محمد برضه خاب على كبر وكان بيحب المراهقة عائشة أكتر من أي واحدة من نسوانه رغم فارق السن الرهيب بينهما ورغم إن عائشة كانت فقساه وعارفاه وكانت بتقوله إن ربك يسارع في هواك , يمكن الاتنين ( محمد والحاج متولي ) معاهم حق لأن سن المراهقة دا ليه سحر خاص .. ويمكن دا اللي خلى محمد يقرف من إحدى زوجاته العواجيز ( تقريبًا سودة بنت زمعة ) وكان هيطلقها عشان الموضوع مش ناقص قرف والباقي في العمر مش قد اللي فات , فالست خافت يطلقها وقالت له هسيب اليوم بتاعي لعائشة فالموضوع جه على هواه وألغى فكرة الطلاق دي مادام هتغور بوشها الكئيب من وشه وهتدي اليوم لعائشة اللي لسه بخيرها ..
4 ـ الغريب إن الحاج متولي كان دايمًا بيبرر لنفسه التعدد اللي عامله مع النسوان بإن ( مفيش حد زيي ) على حسب تعبيره وإنه مبيعملش حاجة حرام , ودا أمر مشترك مع محمد اللي أكثر امتيازاته وخصائصه ( الأمور الخاصة به فقط وليست لأحد غيره ) في مجال النساء !!!!
5 ـ محمد كان بيحرم على غيره اللي بيحلله لنفسه ودا لما حاول علي بن أبي طالب إنه يتزوج على فاطمة ( خصوصًا إن علي مشهور بفحولته في مجال النساء )وجدنا محمد هاج وماج وطلع على المنبر ورزعله خطبه جامدة غن اللي يؤذي فاطمة يؤذيه هوا كمان وكان هيطق له عرق من فرط الحماس والانفعال , وهو دا اللي عمله الحاج متولي إنه طلب من ابنه إنه ميتجوزش على مراته ( اللي هي بنت نعمة الله ) واللي جوزهالو غصب عنه !!!!
6 ـ كتير من الي أعجبوا بشخصية محمد والحاج متولي كان مبررهم إن الاتنين كانوا بيعدلوا بين نسوانهم , أنا شايف إنهم بيعدلوا في القسمة لكن مش بيعدلوا مع الستات , بمعنى إن الحاج متولي بيقسم مثلًا لكل ست يومين حسب جدول ( !!!!! ) ويوم راحة أسبوعي ودا عدل بين الستات وبعضها بس مش عدل بينه كرجل وبين الستات , بمعنى إنه مظبط نفسه طول الأسبوع وبينتقل من ست لست ومن كل بستان زهرة , بينما كل ست منهم نصيبها منه يومين بس في الأسبوع وممكن يكون جاي مخلص بنزين من الأيام اللي قبل كده خصوصًا إن كل واحدة أكيد هتحاول تاخد حقها تالت ومتلت في اليومين بتوعها وعشان متخليش حاجة لغيرها .. يبقى فين العدل بقى في الموضوع ؟ وما بالكم بمحمد اللي كان جدوله أكبر وبيعدي على الواحدة كل فين وفين خصوصًا مع الغزوات والمعارك التي كانت لا تنقطع واللي كان بياخد واحده بس من زوجاته معاه أثناء الغزوة لزوم الراحة النفسية والعصبية ..
مش فاهم فين العدل هنا إذا كانت الست اللي هي بني ىدم زيي زيها هتتحرم من الجنس خمس أيام وأنا اللي زوجها هكون بظبط نفسي طول الأسبوع في أي وقت بمزاجي ؟؟؟!!
للموضوع بقية أو بقايا ...
رائف
ملحوظة : أنا مسلم سابق ومش مسيحي ويكش يولع الإسلام والمسيحية واليهودية في يوم واحد عشان الناس تستريح ..
|
|
| 02-04-2008, 12:41 AM |
|
{myadvertisements[zone_3]}
{myadvertisements[zone_3]}
{myadvertisements[zone_3]}
{myadvertisements[zone_3]}
{myadvertisements[zone_3]}
{myadvertisements[zone_3]}
{myadvertisements[zone_3]}
{myadvertisements[zone_3]}
{myadvertisements[zone_3]}
|
بحث
قائمة الأعضاء
التقويم
وثائق المساعدة
/
الحاج متولي والشخصية المحمدية
