طلعت فوق فى الفضا
بصيت على الأرض
شوفت بقعة نور
قلت :إيه ده ؟
قالوا : ده قلب حبيبى
بيشع بالنور
ويوصل السرور
لقلوب المحبين
العاشقين المتيمين
المنتظرين نعمة النور
آمـين
--------------
ياحبيبى يادرة التاج
القلب بحبك ماج
والشوق لك أمواج
----------------
حبيبتى طبق مذهب
فيه جميع الخيرات
تسبب الفرح فى القلب
وتسبب الإبتسامات
وتوزع الأفراح
ترفع الحزن والزعل
وترفع الآهات
حبيبتى سوبر ستار
بتنور فى الجماعات
حبيبتى ورد جميل
وتاج كل الستات
وفلتة من الفلتات
----------------
كل الدنيا نور
بحب حبيبى
هو نورى الغالى
وهو طبيبى
(تم إجراء آخر تعديل على هذه المشاركة: 10-25-2008, 07:34 PM بواسطة قطقط.)
جيتى حبيبتى
عشت بعد الموت
وفرحت بعد الحزن
وسخنت بعد الملل
وذوقت العسل
وكنت بآكل تبن
وكنت تايه لقيت الطريق
وكنت حيران وإهتديت
-----------------
حبيبتى كلها جواهر
ينتظرها مستقبل باهر
يليق بقلبها الطاهر
والقلب فى حبها ساهر
------------------
حبيبتى ياملاك طاهر
بتخلينى كل يوم ساهر
افكر فيما تملكى من الجواهر
وأفكر فى مستقبلك الباهر
-------------------
أنا مبسوط بحبيبتى
لكن هل باغامر ؟
وهل فيه طريق
وألا بلاش أقامر ؟
والا القلب سيد
نسمعله الأوامر ؟
وألا أنا عطشان
للفرح الغامر ؟
والا مشتاق جداً
القلب يكون عامر ؟
نرجع مرجوعنا لربنا
الإله الساهر
ينظم حياتنا
وعارف الدواخل والظواهر
آمـين
حبيبى إدانى إشارة الحب
وبعدين .. إدانى إشارة الإنسحاب
أنا صدقت إشارة الحب
وماصدقتش إشارة الإنسحاب
لأنه حصلى حرارة وإلتهاب
ولأنى كنت شديد الإعجاب
لكن اعتقد حان وقت الذهاب
---------------
على وزن " الوداع ياجمال ياحبيب الملايين"
الوداع ياحبيبتنا الوداع
ياحبيبة الملايين
قصتك قصة إعجاب عشتها عدة شهور
الوداع
إنت ثورة إنت جمرة وإحنا لوعنا الحنين
الوداع
----------------
على قد عظم المكسب
كان عظم الخسارة
خسارة ملكة جمال
خسارة أميرة
والأمر يسبب الحيرة
----------------
حبيبتنا روعة وجمال
حبيبتنا تعدل الحال
حبيبتنا تفوق الخيال
وتفوق الجواهر والمال
نعمة .. ربنا يحفظها م الزوال
حبيبتنا توزن جبال
وربنا يرعاها .. آمـين
شوفت عصفور فريد
فيه كل الألوان
ذكى طيب ومليان إيمان
طمعت فيه ، وكنت عاوز منه حنان
طار بعيد عنى ، وقال :
خليك بعيد ياإنسان
-------------------
شوفت وردة جميلة
أجمل من كل الورود
إنفعلت بجمالها
وإتعجبت لفرادتها
وإتمنيت تكون عندى
تسعدنى عمرى كله
وأعيش فى ظلها
وفى ساحتها
قالتلى : لا .. ممكن تزورنى
وتشوفنى مرة فى الشهر
لكن أنا أكون لسواك
ومحبتى تتعداك
يالا .. وربنا عرض قفاك
--------------------
فى وسط الهوا
ووسط الجو
تمنيت حصول ..
حب كبير
هبت موجة ..
إتعشمت فيها
وظنيت يكون فيها دواى
وإتمسكت بيها ..
بكل قواى
عدت علىّ ، وراحت لغيرى
وكانت من نصيب سواى
(تم إجراء آخر تعديل على هذه المشاركة: 10-29-2008, 09:52 PM بواسطة قطقط.)
أنا لك على طول والحب فىّ
وبأفكر فيك جوه عينىّ
وبأسهر بالليل أشتاق جداً
وأرسل سلامات فوق العد
وأتمنى أحبك للأبد والغد
وأحبك جداً لو الكون إتهد
ونسيب اللعب ونخش الجد
لانخاف هجر ولانخاف صد
لو الله رايد مافى حبك بد
ولا الموضوع لى فيه يد
ولا الحب له ضوابط ولا حد
--------------
أحب وردة حبيبة يحيطها النور
عارفة ربنا ، والملايكة حولها سور
تنشر حواليها فرح وسرور
وتخلى كل واحد فرحان مجبور
سيدتنا جميلة كأحلى الطيور
تخلى القلب الخربان معمور
ولها النعيم الصافى لأبد الدهور
نرسل لها الدعوات من قلب شكور
وتشوف فى كل مكان يافطة
مكتوب عليها : مسموح المرور
آمـين
(تم إجراء آخر تعديل على هذه المشاركة: 10-31-2008, 12:09 PM بواسطة قطقط.)
10-31-2008, 11:50 AM
{myadvertisements[zone_3]}
-ليلى-
عضو رائد
المشاركات: 3,167
الانضمام: Feb 2005
سيدتى ملاك طاير فى السما
نحبه .. نفكر فيه .. هو الدوا
يخش فى مخنا يسعد مخنا
يخش فى قلبنا يسعد قلبنا
يرسل هدايا من الشعور
الشعور باللطف والبراءة
والحب والوداعة
والأمل والرجاء
والرحمة والحياء
آمـين
-----------------------
سيدتنا أكلت مخنا كله
وأكلت عقلنا كله
وأكلت فكرنا كله
وأكلت قلبنا كله
وأكلت روحنا كلها
وأكلت جسمنا كله
وألف هناء وشفاء
----------------------
سيدتى طائر جميل
طاير فوق النيل
لونه أبيض فى أبيض
ماأقدرش أرفع عينى عنه
وماأقدرش ماأدعيش
لأنها هى الأكل والعيش
آمـين
----------------------
سيدتى سلام
سيدتى جمال
سيدتى عال العال
سيدتى تنير أميال
وتصلح الحال
آمـين
---------------------
سيدتى جنة
أنهار وبساتين
وأغصان وطيور
وفيها الفرقة الماسية
تعزف ألحان المحبة
---------------------
إحنا فى الأرض وسيدتنا فى السماء
ننظر إليها .. نكون أخذنا الدوا
ننظر إليها نكون عرفنا الهناء
ننظر إليها نشوف الجنة ( إن شاء الله )
عشان كده بيها أنا بأتغنى
ولاأنتظر ولاأتأنى
لكن أرجو وأتمنى
----------------------
سيدتنا فواكه
سيدتنا فراولة
سيدتنا مانجا وعنب
وسيدتنا سيدة أمخاخنا
وعقولنا وأرواحنا وأجسادنا
سيدتنا خير الأرض كلها
وسعادة الدنيا كلها
آمـين
---------------------
سيدتنا أميرة
وملكة الأميرات
غالية من الطاهرات
نغنيلها أغنيات
ونرفع من أجلها الدعوات
آمـين
(تم إجراء آخر تعديل على هذه المشاركة: 10-31-2008, 05:52 PM بواسطة قطقط.)
بحث
قائمة الأعضاء
التقويم
وثائق المساعدة
