لست من الأشخاص الذين يعدّون الأيام ليأتي عيد الميلاد الفلاني أو عيد الأم أو حتّى عيد الحب فلست كثيرا من محبّي الأعياد ..

ولكنني أحب عيد الجلاء .. وأفرح لهذا اليوم
وأشعر بسوريتي .. وأشعر بالحب والود لهذا الوطن ..



كل سنة و سوريّة وأهلها بألف خير .. (f)
كل سنة وسوريّة أفضل ..(f)

(f)

أحسنت(f)

وأيامك أعياد يا بلدي:wr:

أحلى ما في عيد الجلاء، أنه صاف كاسمه، لا نزعة فيه لليمين ولا لليسار ولا للوسط
هو عيد لسورية
ولكل أبنائها

من بعد أن دهمتنا أعياد سميت زورا بالوطنية، مع أنها أعياد لجلادي الوطن، والمنقلبين على نمائه واستقراره وأمنه

وبين عيد الجلاء، وعيد الجلاّد فرق واي فرق..

واسلموا لود واحترام

Arrayأحلى ما في عيد الجلاء، أنه صاف كاسمه، لا نزعة فيه لليمين ولا لليسار ولا للوسط
هو عيد لسورية
ولكل أبنائها
[/quote]

تماما كما قلت ..

(f)

والله هالعيد بيحرق القلب ..
إنو حرام لو الفرنسيين بقيانين شي عشرين تلاتين سنة كمان ..
إنو البلد هيك هيك منهوبة .. والناس طفرانة ..
فإنو عالأقل الفرنسيين كان عملولنا بدال "حديقة عامّة" وحدة (وهي أكبر حديقة عامة في مدينة حلب .. من عمل الفرنسيين) شي عشر حدايق عامّة ..
وبدل سكّة قطار (وهي من عمل الفرنسيين) .. كان صار عنا هلأ شي عشرين قطار سريع ..
إييييه .. وكنا ورتنا كمان مطارات وطيّارات وشوارع وجسور متل العالم والناس ..


إييييييييه .. الله يسامحك يا يوسف العظمة ..



إنو مو كلشي كتبتو جد .. بس جزء كبير منو يعني ..


خوليو

له يا زلمى .. له يا أبو الخل ..
توقعت لمّا شفت اسمك .. تطرئني بوستين سوريّات غير شكل ..

الأجداد مثل يوسف العظمة أرادوا لنا "سوريتنا" .. وطننا ..
نعم .. لم نقدّر هذه المنحة منهم .. ولكن ذلك لا يعني أن لايكون لنا الحق بأن نعيّد بعض بوطننا ..



روح عيش بفرنسا يا خيّو إذا هيك وخدني معك !!
بس منضل منحب سوريّة .. ومنحب إنتمائنا إلنا .. ومنحب تضل بلد إلنا ..
هاي بالنسبة إلي وبظن نفس الشي إلك ..
فرحتنا بالوطن .. مو معناتا نحن راضيين عن وضعه .. فرحتنا فيّو لأنّو بلدنا .. لذاتو .. لسوريّة ..

هاي أحلى وردة إلك (f)

كل عام وسوريا بخير وأحلى وأبهى

عزيزي خوليو؛
لا بد لكل بلد في البدء الاستقلال، ولا بدك تعملي متل "هومو مدري شو"، أنه يعيش الاستعمار ويسقط الاستقلال؟
بعدين لشو وقفت على 30 سنة يعني؟:D
مشان لما تيجي يكون البلد جاهز، مهو نحنا اللي بنعمل البلد .. وبدون استقلال كان الوضع برأيي أسوأ.
شوف هاي جزر القمر استقلت من كم سنة بس عن فرنسا وشوف كيف حالتها اليوم، وكيف في جزيرة اختارت ترجع لفرنسا.
الاستعمار يمكن يصحي بلاد، بس ما بيعمر بيوت ولا بلاد.
شوف المستعمرات الفرنسية اللي موجودة لليوم واللي بسموها الـ dom-tom بعدها جهل وتخلف وفقر، وعملوا فيها اضرابات من أشهر ولا حدا بيحكي فيها وشلت الحركة فيها، ولا حدا لا بالعالم ولا بفرنسا نفسها مهتم.

شو بدك بالحكي، ما حدا بيبني البلاد غير أهلها.

محبتي
(f)

:98:

يعنى ايه سوريا ؟ :D