يستكمل فيما بعد.

اعراض نارينا بدأت تستفحل بالنادي.........

ايه يا نيوترال يا ابوى , ناوى تسيح لأمى ولا ايه ؟ ... هات سيجارة من معاك بقى عشان العلبة خلصت

هى مش المفروض المدونة لاأحد يستطيع الكتابة فيها إلا صاحبها?
وأنت ياعم أحاه مش ناوى تستهدى بالله وتغير إسمك وتريحنا.... تأبط شرا حلو والله وهيريحك بس أنت جربه وهتدعيلى.

(06-07-2009, 04:29 AM)neutral كتب:  هى مش المفروض المدونة لاأحد يستطيع الكتابة فيها إلا صاحبها?
وأنت ياعم أحاه مش ناوى تستهدى بالله وتغير إسمك وتريحنا.... تأبط شرا حلو والله وهيريحك بس أنت جربه وهتدعيلى.

انا مش فاهم اصلا الناس دى بتكتب ليه فى موضوعك ؟ والمدونة المفروض انها شئ شخصى جدا ولا يسمح لاحد بالتعليق ! يعنى لو فرضنا ان الادراة نسيت تكمل بقية خصائص المنتدى , فلابد من السادة الزملاء احترام نفسهم وعدم التعليق من أساسه ... أم انه شئ بارد يا اخى ؟

وبعدين يا " نيو " تأبط شرا ايه بس قول كلام غير ده , خلينا فى المهم بس انت كنت ناوى تكتب ايه ؟ ورجعت فى كلامك ؟ هل تعرضت الى تهديدات من اى نوع ؟ هل ضميرك المهنى عارض او ان كل القصة ان الازازة خلصت وراح الوحى واختفت الملائكة ؟

قول يا رجل ما تتكسفش

أنا قلت أحجز إسم مونولوج وأسقعه وأبقى أبيعه بعد كده... وبعدين بصراحة أنا زهقت من الديالوج وعايز أشترى دماغى من البشر وأديها شوية مونولوج .... تقدر تقول نوع من الرهبنة الإنترنتية, فلو سمحت ممكن تتفضل من غير مطرود وتورينى عرض كتافك بدل ماأصوت وألم عليك الناس ياأحاه ياإبنى.

(06-07-2009, 10:18 PM)neutral كتب:  فلو سمحت ممكن تتفضل من غير مطرود وتورينى عرض كتافك بدل ماأصوت وألم عليك الناس ياأحاه ياإبنى.

يابابا ناس ايه اللى هتلمها على وانا لو شفتك فى الشارع هنط فى كرشك . يا ظالم يا مفترى لحد النهاردة مخدش منك لا عيدية ولا مصروف زى كل الاباهات مابتعمل مع عيلها .سبتنى فى الشارع اسرق دى وانصب على ده واغش كله من اجل حفنة من المال الوضيع . وجى هنا تعملى فيها شهيد وتكتبلى مونولوج وتحكى قصة حياتك ؟

لماذا لا تخبر اعضاء المنتدى اصدقائك , وفرزدقك ابراهيم انك انت بابا وانك متبرى منى عشان بطلب منك المصروف , وماما عمالة تجرى ورائك وانت عمال تجرى وراء النسوان وسالى ؟ الا صحيح سالى عاملة ايه ؟

أنت باين عليك عيل فقر ياأحاه ياإبنى ومش ناوى تجبها البر...... كلمنى عن نفسك شوية - بس وحياة أبوك سيبك من المأسى علشان أنا مش ناقص وخليك فى المعلومات والحقائق- يعنى منين, بتهبب إيه فى دنيتك, بتحلق لمين ومين اللى بيحلق لك, بتستحمى كام مرة فى السنة, موقفك الطبقى, موقفك من التجنيد, سجلك الإجرامى, لون لباسك , مقاس جزمتك إلخ جايز أعرف ألاقى علاج لحالتك.

فى أثناء إنشغال الجميع بمعركة الإنتخابات اللبنانية كما لو كانت لبنان دولة عظمى!! وهى فى حقيقة الأمر دولة بنت دين كلب ولو كان الأمر بيدى لأجتحتها وأعتقلت كافة سكانها فى معسكر عمل لاتقارن به معسكرات النازى جزاءا وفاقا لما فعلوه بى.... المهم ماعلينا وفى أثناء مايسمى بالإنتخابات اللبنانية -والإنتخابات منها براء- تجرى معركة تاريخية من نوع حامى الوطيس سيكون لها تداعيات هائلة وخطيرة على مسيرة التطور البشرى والتاريخ الإنسانى وستقلب كثيرا من النظريات بل والحقائق المتعارف عليها اليوم مثل نظرية التطور التى يتحول فيها القرد بقدرة قادر إلى إنسان لكن وبسبب تلك المعركة سيتم إثبات إن العملية ليست إتجاه واحد ولكن إتجاهين ومن الممكن جدا أن يتحول أيضا الإنسان إلى قرد فلله الحمد والمنة وأخر دعوانا الله يخرب بيوتكم ياأولاد العرص.

المعركة من نوع حامى الوطيس التى تدور رحاها الأن تدور بين إمام العصر والأوان أبو إسحاق الحوينى حفظه الله ولعنه وبين الداعية الناشئ تحت 43 سنة مصطفى حسنى وهو داعية حديث توتى فروتىsoft core أتوقع له مستقبل باهر وسأبدأ فى التعليق على تلك المعركة من نوع حامى الوطيس بمقدمة عنها وخلفيتها والأطراف المشاركة فيها وأهداف كل طرف الإستراتيجية والتكتيكات المتبعة وأوامر العمليات وتقييم دورى للموقف على الجبهة إلخ إلخ إلخ فإلى أرض المعركة وكان معكم من ساحة الوغى والجهاد أخوكم الصغير نيوترال عبد المادة.

(06-08-2009, 01:10 AM)neutral كتب:  أنت باين عليك عيل فقر ياأحاه ياإبنى ومش ناوى تجبها البر...... كلمنى عن نفسك شوية - بس وحياة أبوك سيبك من المأسى علشان أنا مش ناقص وخليك فى المعلومات والحقائق- يعنى منين, بتهبب إيه فى دنيتك, بتحلق لمين ومين اللى بيحلق لك, بتستحمى كام مرة فى السنة, موقفك الطبقى, موقفك من التجنيد, سجلك الإجرامى, مقاس جزمتك إلخ جايز أعرف ألاقى علاج لحالتك.

يا نيو يا أبوى بلاش نتكلم مع بعض كده ونفرج علينا الغريب , انت تعترف بأنى ابنك وتكتبلى كل ما لك من الفلوس والاملاك بأسمى عشان اسامحك واقدر اكمل حياتى بعد ما اصابنى جراء حرمانى من الابوة والعيال تجرى ورائى فى المدرسة وتقولى فين أبوك ؟ فين ابوك ؟ وانا اقول : بقى كده يا نيو تعملها فى وتسيبنى قدام العيال دى , وانا احاول اضحك عليهم وأقولك : بابا راح يشترى طوابع ولسة مجاش عشان البوسطة قافلة ..
والعيال ترد على بأستخفاف : يا سلام ما يبعتوه ايميل لازم جواب بطوابع يعنى .

عايز تعرف حكايتى ؟ ما هو جزء من تاريخك الأسود أسال نفسك هتعرفه ...

شوف بقى يا سيدى انا حكايتى ايه , انا كنت كلفت عاهرة من فيغاس بسرقة فرشة شعرك اللى حتى بالامارة عليها صورة سماعة طبيب ولونها احمر , وانت كنت فى فيغاس السنة اللى فاتت . وبعد أجراء كشف الشفرة الوراثية ياوالدى كانت النتيجة ان بنسبة 92% تقارب الحمض النووى منى وانك تبقى " باباى " . وانت عارف ان النسبة دى امام محكمة اميركية كافية بوضعك فى السجن مدة مش بسيطة , فتحب تتدفع ولا تتبهدل شوية ؟

ده بخصوص قصتى عشان تعرف بس احنا فين , وانا هجوبلك على كل سؤال بالتفصيل :

- انا يا سيدى من شبرا , بس لاسف عايش حاليا فى اسكندرية . انا عقبال عندك يا والدى متجوز بنت اكبر تاجر سلاح ومفرقات فى الساحل كله ! المعلم عصام بومبة على سن ورمح , وقد نتج عن هذا الزواج صاروخ صغير تيمناً بأسم جده قررنا ان نسميه " صاروخ " وده يبقى حفيدك طبعا يا بابا وان شاء الله فى اجل قريب هيورثك ونخليك على الحديدة ونبدد كل ما ادخرته من مهنة الطب على الراقصات وديسكوهات ودى جيهات الاسكندرية .

- انا بشتغل على حسب اللى ماشى , اصل انا متعلم تعليم عالى زيك كده يا حاج ! بس انا لما طلع دين امى فى الثانوية العامة وكنت مفكر ان النجاح فى الدنيا دى بيأتى بالمجهود والتعب خصوصا فى مصر تبين لى انى كنت غلطان تماما . وانه بعد كام سنة فى كلية التجارة اكتشفت الدنيا على حقيقتها , مش طبعا فى كلية التجارة ولكن فى شركة عقارات كنت بعمل بيها . تخيل يا حاج نيوترال - انت صحيح رحت الحجاز ولا لسة ؟ - انى كنت بشتغل من الساعة 10 لحد الساعة 6 وبأخد 300 جنيه فقط . والنصيبة انى كنت شغال ابحاث سوق ومطلوب منى تحديد اماكن والعمارات الجديدة والتعامل مع حثالة البشر من مقاولين ومعلمين كانوا اصلا سابكين او بتوع فراخ . وكان المطلوب انى اروح لاصحاب العمارات واكتشاف اصحابها وتسجيل أرقام تليفوناتهم , وده فى مصر شبه مستحيل -لان زى ما حضرتك عارف يابابا ان صاحب العمارة لابس تهم وقضايا واحيانا بيأتوا ناس من الحى عشان يعرفوا مين اللى وراء بناء العمارة المخلفة والمحرك الحقيقى للاحداث عشان يبتزوه وياخدوا منه فلوس . يعنى كانوا بالضبط عاملين زى المصريين اللى سافروا فى الخارج وشوهوا صورتنا , منافسة قذرة .

مش هطول عليك , فى مرة كنت مع مقاول وواقف اتكلم معاه وعن شركتنا و و و وكان واقف جانبى صول فى القسم بيأخد الورق ورايح يخلصها والراجل راح رزعه ثلاثمائة جنيه فى جيبه . عرفت ان البلد دى معرصة من اولها لاخرها , وان اللى يمشى فيها زى ما بيقول الكتاب يأخد على قفاه . وأعلنتها حرب ضروس ابتدأت بتكفير نفسى وفتح الجبهة على الرابع لمحاربة كل من الاديان اللى خلتنى اثق ان فى خير فى هؤلاء الناس . وانها من من اليوم الى الغد لن اسوف او احلف او اعتمد على احد غير نفسى ...

واه مشيت الايام يا أبوى وانت غايب عنى وانا بسأل انت فين , وقعت فيها على اعلان فى الوسيط مطلوب بائع فى محل سلاح ويكون بيتكلم انجليزى بطلاقة فانا رحت على طول وفى بالى انى هقف بالبندقية السنيبر والبنات تيجى تحسس على بقى وانت فاهم يا أبوى , لكن لقيته الحاج " عصام بومب " عايز يبيع بومب فى منطقة القلعة السياحية ومحتاج حد بيكون بيتكلم انجليزى وايطالى وفرنسى ,ولما قولته : بس حضرتك كاتب فى الاعلان انك محتاج انجليزى ؟

قالى الحاج عصام , جري ايه يا بنى طالب السياحة بيدرس ثلاثة لغات ؟ انت درست كام لغة ؟

) قولته انا بتكلم انجليزى وايطالينو وألمانى , ينفع ؟

قالى : سى سنيور

قولته : قشطة يابا , مع انى معرفش اتكلم غير انجليزى بس . بس هو يعنى هيعرف منين طالما ان الزبون مبسوط محدش هيأخد باله . وشوية بشوية فتحنا محل للحاج " عصام بومب " بجوار جيلاتى أم عزة واصبح اسم على مسمى , وجه بعد كده واحنا على قهوة . قالى : يا واد يا احاه المثل بيقول ايه ؟

قولته : ايه يا معلمى

قالى : اخطب لبنتك ولا تخطبش لابنك

قولته : صحيح يا معلمة , بس انت عندك بنات اصلا ؟

قالى : اسكت يا واد , البنت بنت اخوى انا هديهلك . بس لى عليكم شرط واحد , تيجبلى " صاروخ " صغير قبل ما أموت .

وكان ما كان وخلفت الولية مراتى حفيدك يا بابا " صاروخ أحاه اشخرلك ولا اسقعله " طبعا انا اطمع الى تغيير اسمى الى " أحاه نيوترال عبد المادة سالى عبد الحفيظ " عشان كده انت تتدرك مشكلتى وواجبك اللى لازم تأيده زى الخدمة العسكرية كده وتعترف بقى وتخلصنا من موال الدى ان ايه واثبات النسب والفضائح اللى ملهاش لازمة .

وشوف يا عم انا مستعد اعمل معاكصفقة لو خلصنا الموضوع ده بعيد عن المحاكم والفضائح , انا مستعد ان اتنازل عن نصف ما تملك انت واسيبلك برضه قرشين تعيش بيهم حياتك انت وسالى فى شوارع دالاس وتروح تلعب يانصيب بالمبلغ المتبقى يمكن تكسب قرشين وتلعب البلية معاك وتأخد سالى فى رحلة بلا عودة الى " هاواى " يعنى افتكر كده يارجالة عدانى العيب , والراجل ظلمنى وانا اللى بتساهل معاه ...

يرضيك كده يا حاج منك ليه ؟ عشان محدش يجيى يولمنى لم انط فى كرشه ونسيح لبعض كده قدام الغريب والقريب , لا بسرتيجك ولا برستيجى يا والدى . وبعدين برضه الدم بيحن , والواد " صاروخ " نفسه يشوف جده , وهو هيفرح قوى لما يعملها فيك ويقعدك على صواريخ وتفرقع ..

أيه رأيك يا والدى ؟