اقتباس:بمشارك أعرفه بالكاد يدعى بهاء يوجه لي سبابا مباشرا مما دفعني لتوبيخه و تبليغ الإشراف بتجاوزاته ، ومن ثم تجاهلته نهائيا ، و بالمناسبة لست أدري لم يحتفظون به في النادي حتى الآن ؟!.
اسف جدا ازى كنت لا اعرف اسلوب الاكلشيكهات والترف الفكرى والابراج العاجية , لكن احتراما لسنك ولقراءتك لموضوع " استفتاء عام " اكثر من مرة كما ذكرت , لا تحرف الوقائع ...
أنت اللى بدأت فى الشتيمة , ومش انا : وأنت بلغت تقريبا عن مشاركتى كلها اللى فى موضوع , المفأجاة بقى ان الادراة محذفتش المشاركة الذهبية اللى بسببها بدأ كل ده . وده بكل بساطة لانى مغلطتش فيك ولا حتى وجهتلك اى سباب حتى هذه اللحظة .... وأرجع اقولها : حتى هذه اللحظة , وانت اللى كانت بأدى
وأدى رابط المشاركة يا زميل :
http://www.nadyelfikr.com/showthread.php?tid=33829&pid=391634#pid391634
وفر كده فى المشاركات وابحث فيها عن مدخلتك بتاعة " الصبى الوقح " , فلن تجدها عشان الادراة مسحتها . ولاسف المشرف مأخدش باله فنسى اقتباس مدخلتك السوداء فى مدخلة لابراهيم :
http://www.nadyelfikr.com/showthread.php?tid=33829&pid=391688#pid391688
وأدى الرابط الثانى , وكما ترى او لا ترى - فهى موجودة فيه ...
وبعدين انا امتى شرحت تحولى من الاصولية للالحاد ؟ ده كان أمتى ده انشاء الله ؟ ولا عشان حاولت أشرح لك ما جهل عليك من نوعية الاقباط اللى حضرتك عمال تنظر وتقرأ من الكتب وعايز تتطبق على الواقع , وردة المجتمع الانترنتى على مفاهيم منغلقة ورايحة فى ستين داهية ... بقيت بتحدث عن الانتقال من الاصولية الى الالحاد ؟ لما ابقى اطرح قصتى على الملاء , ابقى تعالى حسابنى على حاجة . وأنا اصلا عمرى ما تكلمت عن هيكل بالسلب او حتى بالأيجاب , واللى كان بيشتمه او بيمدحه كنت بسيبه لانى كنت بكون رأى فى الراجل .زى ما بالضبط كنت بكون رأى فيك ؟ زعلان انى بقول رأى فيك , انك بتاع اكلشيهات فارغة المحتوى والمضمون , وان حتى خطابكم بتاع العلمانية هو خطاب مخصى ؟ وكلام كتب محفوظة ؟ ...
مع انك لو جيت قولتلى " يا بهاء يا بنى انت انسان تافه و و و و و " ولا هزعل ولا حتى اتقمص هضحك واقولك : برفو عليك , طلع اللى فى قلبك عشان ترتح وتفضى الشحنة اللى انت شايلها على قلبك .بس كده , وهقولك : تيك أت أيزى مان , احنا بس بنيع بدنجان !
لتكون مفكر ان الجماهير الجائعة قاعدة فى الشارع مستنية الموضوع يطلع فى نادى الفكر , خليك فرش كده احنا فى رحلة مش فى مصنع فكرى ! ولا الخلاف الفكرى اللى هيكون بين بهجت واسماعيل حجى يطلع منه بنتيجة , عشان يحملوا الاراء لمشارق الارض ومغاربها .
نصيبة لتكون مفكر كده !
عموما دى اخر مدخلة لى فى هذا الموضوع او تعليق على اى مدخلة تافهة من مداخلتك المليئة بخزعبلات رجل عجوز يتاجر على اخر حياته بقضايا اعلى من مستوى فهمه , ونصيحة شخصية ليك : ابحث عن دور اخر تلعبه لان الموضوع مش هيمشى معاك , وأزى كنت مخادع ماهر فلن تخدع الجميع للابد .
لكن أخر ما كنت أتوقعه ان ترمينى بانى أحقد على ابراهيم ومن مستوى دخله او انى مش طايق فكرة تحوله للمسيحية , فيا زميل أنارت نفرتيتى عقلك مستوى دخل ابراهيم ما هو بمجهول عندى , لكنه جانب اخر من فكرك المعوق اللى ظن انى اعارض الرجل كحقد عليه . أما عن حكاية تحوله للمسيحية دى , فهى نكتة النكت - وانا معنديش مشكلة فيها , بس لما تبقى حقيقة فى الاصل ؟ والبينة على من أدعى .. ومش انا اللى ادعيت تحولى من الاسلام الى المسيحية , هو اللى ادعى وهو اللى يثبت

* الا صحيح يا بهجوتى : مش هتكبر كده وتعترف ان " قصة صداقتك لفرج فودة دى " فبركة أدبية على غرار قصة بحبك ؟
اه يا بلد
اقتباس:، واليوم عدت من جديد كي لا تميز بين الموقف من "تجربة تاريخية" مثل تجربة عبدالناصر، لها ما لها وعليها ما عليها، والموقف من "دولة علمانية ديمقراطية مأمولة" لم أكف يوماً عن الدعوة لها وتفنيد ادعاءات خصومها.
يا علمانى انا عارف انك علمانى والكراسة المقدسة عارف , بس انت مش فاهم - انت عامل بالضبط زى المعارضة اللى كانت ايام جمال عبد الناصر , وانا دلوقتى جمال عبد الناصر . وبقولك ان تجربتى دى هتكون فى الاطار التاريخى المضبوط لها , وان شاء الله لما اخرب مصر وأجيب دين امها على الارض " انصارى هيطلعوا يقولوا يا جماعة لا تظلموا خالد الذكر هوبة بهاء الله , ده كان رائد وصاحب تجربة " . مش مشكلة بقى النتائج او ما حققنه من انجازات , المهم انننا جبنا البلد على الارض !
وبعدين يا علمانى انا لازم اقبض عليك وارميك فى السجن عشان احقق التقدم المأمول , والاستغناء قليلا عن الحريات مقابل تحقيق طفرات أنتاجية تنتهى انشاء الله بالحجر الكامل والشامل على الحريات وبنكسة وانهيار فى البنية التحتية المصرية , وطبعا عشان انت هتفضل توجع دماغى كتابة عن عصر وفوائد العلمانية الكاملة والشاملة , هقوم مغير مناهج التعليم لاضمن ان اخرج اجيال مشوه لا تعرف عن تاريخها شئ . وهدخل فى دماغتهم انى انا صاحب تجربة تاريخية , وأنت بقى المسجون المظلوم - وتهرب على بريطانيا وتكتب " سنة اولى سجن , واه يا وطن , ومش قولتكم , وسلامات سلامات يا مصر , Etc "
يا علمانى عبد الناصر عندما بدأ طريقته فى الحكم , انهيار النازية لم تكن خفية عليه ولا نجاح الديمقراطية الامريكية وقوتها فى انهاء الحرب العالمية الثانية , ولا صعود التيارات المطالبة بالديمقراطية وزول الدكتاتوريات ... فلا تحدثنى عن " محمد على " وتتجرأ ان تقارنه بخالد الذكر بتاعكم , فالحديث عن محمد على وعبد الناصر كالحديث عن الجنة والارض , وشتان بين ذلك وذلك .
فى مقارنة بسيطة بين عبد الناصر ومحمد على , الجيوش المصرية وكتيبة احمد الحسينى تقريبا فى حرب 48 اخترقت اسرائيل ووصلت الى بعد ساعة من تل ابيب , انما بقى الجيش المصرى " اسم النبى حرسه وصيانه " دخل متغطى بورقة توت سيناء وطلعوا منها عريانين يجروا , وسابوا اكبر رقعة ارض فى تاريخ اسرائيل كسبتها بدون عناء يذكر ...
هما الاخوان المسلمين قالوا على عبد الناصر انه كان صيهونى من شوية
طبعا المقارنة بين " محمد على " و " عبد الناصر " هتكاد تكون هزلية وحكى فاضى , فالاول شخصية غير عادية ولازالنا حتى هذه اللحظة نعيش على خطوطه الرئيسية اللى رسمها واللى كان اهمها التوسع الزراعى واعتبره الامن الاستراتيجى لمصر
الله يرحمك يا باشا
خدلك وردة يا علمانى وهدى اعصابك ROSe
وبعدين يا علمانى هو انا كنت مسكت سكينة وقولت اللى هيقرب من نادى الفكر هقطعه ؟

هو انا كنت جيت جنب حد اصلا ولا طلبت بمنع اى حد من المشاركة ؟ مش عارف ايه حكاية مقولة فولتير معاك عشان تقولوهى
....
عايزينى اسكت يعنى ومقولش رأى ؟
ده حتى يبقى مناقضة لمقولة فولتير فى حرية ابداء الأراء ؟ غريبة قوى تيجى تتطبق قانون على فتظلمنى عشان تنصف واحد ؟
* ياريت حد من الزملاء يساعد اى حد من الاقلام الكبار على ايجاد مشاركة لى طالبت فيها بقتل اى واحد يبدى راى معارض لى , او حتى منعه من المشاركة , او طالبت بمسكه وتقطيعه بالسكاكين ؟
فى ايه يا اخوانا ,الزميل " وليد " برضه قال نفسه الموضوع , وتيموثى قال نفس الكلمة , والأبصيرى هو اللى روج الاشاعة دى ضدى . طيب بما ان كل دول قروأ لأبصيرى وصدقوه , من الواجب ان حد يجيب مشاركة بقول فيها الكلام ده ...
ولا ايه يا اخوانا ؟