انا اسمى خالد محمد سعيد
منذ ساعة وقع قتلة خالد سعيد على قرار الإحالة بنيابة شرق الكلية بالإسكندرية فى حراسة امنية مشددة وبحضور الضباط المتهمين والذين تم استبعادهم من الإتهام وعلى رأسهم المقدم عماد عبد الظاهر والرائد احمد عثمان وتم منع جميع الصحفيين من التصوير

نقلا عن مركز النديم

خاليهم يعيشوا فى الرعب اللى عيشوا فى الناس شوية
________________________

خبر عاجل
Jul.03, 2010 قضية خالد سعيد

قررالنائب العام المستشار عبد المجيد محمود إحالة محمود صلاح محمود أمين شرطة وعوض إسماعيل سليمان رقيب شرطة من أفراد قوة شرطة قسم سيدي جابر بالإسكندرية إلي محكمة جنايات الإسكندرية “محبوسين ” بعد أن وجهت لهما تهم القبض على شخص بدون وجه حق وتعذيبه بدنيا واستعمال القسوة وذلك في واقعة وفاة الشاب خالد محمد سعيد 28 سنة الذي لقي مصرعه إثر ابتلاعه لفافة لمخدر البانجو.


_________________________

د.أسامة عطوان يكتب: خالد بتاعنا .. وخالد بتاعهم

إن إسفكسيا الاختناق التي أشار إليها تقرير اللجنة الثلاثية ومن قبله تقرير الطبيب الشرعي إنما أصابت المصريين جميعهم، لأنهم لم يعودوا قادرين علي ابتلاع هذا الكم من الأوضاع المتردية وهذا الاستهتار التام بآدميتهم، ولابد أن تتذكر الحكومة أننا لا يمكن أن نصدقها يوما مادامت تستخف بعقولنا وتسلبنا أبسط حقوقنا وتعتقد أننا خلقنا فقط من أجل تحقيق رغباتها وإشباع نزواتها، وعلي رجالها أن يدركوا أن مصر «بتاعتنا» غير مصر «بتاعتهم» ،كما أن «خالد بتاعنا» ليس هو أبدا «خالد بتاعهم».

_________________________

سعيد شعيب : حروب الطب الشرعى على خالد سعيد

موقع إعلامي أمريكي شهير: مصريون ينظمون وقفة صامتة

اقتباس:فيما اظن انه لم يوجد سوي ثورة الاقباط في عصر المأمون

ثورة عرابي ضد الخديوي ، احتجاج سنة 79 ضد قرارات الجكومة بتنفيذ توصيات البنك الدولي ، وحتي ايام مبارك كان هناك كثير من الاضرابات لعل اخطرها اضراب الامن المركزي الذي لا اذكر تاريخه.
ودون ثورات فالشعب المصري يحتج بطرقه علي قرارات الحكومة واكثر من مرة ينسحب الحكومة عن قرارها ، مثلاً الحكم بعدم دستورية ضريبة العاملين بالخارج .
الامر يستحق كتابة مقال موثق ، وانا لا املك الوقت الكافي ، لكني اعلم ان هناك مادة تاريخية كافية للاجابة عن السؤال ، عل يعترض المصريون ؟ هو مش لازم تبقي هوجة وارهاب زي الثورة الفرنسية عشان يبقي الكلام اللي قالته ليلي صح .

(07-03-2010, 11:24 PM)vodka كتب:  

(07-03-2010, 11:03 PM)قطقط كتب:  على حد علمى إن الثورات دى كانت ضد الأوربيين فقط لأنهم غير مسلمين

اعتقد انك تبحث عن اي ثورات ضد الحكام خلال الفترة من فتح او غزو مصر
على يد عمرو بن العاص وحتى الحملة الفرنسية
فيما اظن انه لم يوجد سوي ثورة الاقباط في عصر المأمون

مظبوط إذن الشعب غير معتاد على الثورات

(07-04-2010, 12:07 AM)طنطاوي كتب:  وحتي ايام مبارك كان هناك كثير من الاضرابات لعل اخطرها اضراب الامن المركزي الذي لا اذكر تاريخه.

اضراب الأمن المركزى كان فى يناير 86 , أنا كنت وقتها فى ثانيه ثانوى وتم فرض حظر التجول وأخدنا أسبوعين أجازه من المدرسه وكنت فرحان أوى , لكن ده كان حركه تمرد وعصيان ولم تكن ثوره شعبيه , وذلك نتيجه اشاعه سرت بين جنود الأمن المركزى عن مد فتره الخدمه سنه زائده , فخرج الجنود من معسكراتهم الى الشوارع وبدأو فى تحطيم كل شىء , وأكثر المناطق تضررا كان شارع الهرم , بعدها نزل الجيش الى الشارع بدباباته وتمت السيطره على الأوضاع .

المهم نقطة النقاش واضحة وهي ماقالته ليلي بان الشعب المصري يعرف كيف يحتج وعلي مر التاريخ.

9 يوليو سيكون يوم مهم ...فكرة إرسال مسج للأصدقاء فكرة رائعة وال bbc ستناقش الموضوع الأربعاء 7 يوليو ......حكومة غبية خاصة تقاريرها الشرعية .....أسهل إدخال جمل من خرم الإبرة على تصديق التقرير الشرشحي

(07-04-2010, 12:29 AM)طنطاوي كتب:  المهم نقطة النقاش واضحة وهي ماقالته ليلي بان الشعب المصري يعرف كيف يحتج وعلي مر التاريخ.

أبدا ....

عمر الشعب ده ماعرف ازاى يحتج أو يثور أو يفرض مطالبه , طول عمره شعب جبان وخواف وبيتساق بالعصى ومستسلم للظلم والاستبداد , ولازم حد يحركه دايما علشان يقدر يتحرك , ولو طلع منه مره بطل أو عده أبطال فالغالبيه خنوعه ومركوبه ومضروبه بالصرمه , دايما محتاجين قياده لتوجيههم .

مرات قليله اللى ينطبق عليها كلام ليلى من حيث تكاتف المصريين وهى وقوفهم فى وجه السلطان العثمانى وفرض محمد على واليا على مصر , و صمود المقاومه الشعبيه ببورسعيد ضد قوات العدوان الثلاثى , وحرب أكتوبر 73 , فقد استطاع المصريين أن يثبتوا للعالم من خلالها أنهم ليسوا جثه هامده وحققوا معجزه عسكريه بكل المقاييس , ورغم أنها كانت حرب عسكريه بين الجيوش الا أن جميع طوائف الشعب شاركت فيها , حتى أن اللصوص امتنعوا عن السرقات وندرت الجرائم اجلالا وتعظيما للموقف

مصر طوال تاريخها زى البيت اللى مالوش صاحب "الغزاه " داخلين خارجين يبرطعوا فيها والشعب لا حول له ولا قوه , يكفى فقط أن يتم ابلاغه أن " أمه جديده قد امتلكت البلاد " حتى يؤدى فروض الولاء والطاعه للمحتل الجديد , وذلك على مبدأ افتراض حسن النيه الى أن يثبت العكس .

(07-04-2010, 12:07 AM)طنطاوي كتب:  

اقتباس:فيما اظن انه لم يوجد سوي ثورة الاقباط في عصر المأمون

ثورة عرابي ضد الخديوي ، احتجاج سنة 79 ضد قرارات الجكومة بتنفيذ توصيات البنك الدولي ، وحتي ايام
مبارك كان هناك كثير من الاضرابات لعل اخطرها اضراب الامن المركزي الذي لا اذكر تاريخه.
ودون ثورات فالشعب المصري يحتج بطرقه علي قرارات الحكومة واكثر من مرة ينسحب الحكومة عن قرارها ، مثلاً الحكم بعدم دستورية ضريبة العاملين بالخارج .
الامر يستحق كتابة مقال موثق ، وانا لا املك الوقت الكافي ، لكني اعلم ان هناك مادة تاريخية كافية للاجابة عن السؤال ، عل يعترض المصريون ؟ هو مش لازم تبقي هوجة وارهاب زي الثورة الفرنسية عشان يبقي الكلام اللي قالته ليلي صح .

ما قصدته الفترة ما قبل الحملة الفرنسية

فلقد كانت تنشئ الدول في مصر باسماء حكامها

وليس باسم مصر كأن مصر ليس لها وجود

الفاطمية ,الايوبية, الاخشيدية , الطولونية, المماليك والعثمانية

اذكر ان احد الحكام زوج ابنته واسمها قطر الندى للخليفة العباسي

استنفذ اموال مصر واموال الشعب لتجهيز ابنته

الامر الذي مكن الخليفة من الاجهاز على مملكته والقضاء على حكمه

لو نظر المرء لتلك الايام بعين المحايد لوجد ان التاريخ يعيد نفسه

الحكام يستأثرون بالسلطة والثروة وبعيدون في شرم الشيخ عن الالام شعبهم

ويلهون الشعب بقضايا كرضاع الكبير والبخاري وقضايا الاقباط والخوف من الاخوان

وفي تلك الايام نفس الشيئ الحكام يتصارعون على السلطة والمال

والشعب ملهي بقضايا فقهية والسيوطي يؤلف كتب الدين وكتب الجنس

وابن تيمية يتشدد ويتوعد وهكذا

النيابة المصرية تحيل شرطيين للمحاكمة في قضية مقتل خالد سعيد

اتهمت مسؤولين في الأمن باصطناع تاريخ إجرامي للمجني عليه
الإسكندرية: أحمد صبري
بعد أن اتهمت مسؤولين في الأمن باصطناع تاريخ إجرامي للمجني عليه، أحالت النيابة المصرية أمس شرطيين للمحاكمة في قضية مقتل الشاب خالد سعيد بمدينة الإسكندرية الشهر الماضي.

وأثارت هذه القضية انتقادات دولية لمصر، إضافة لمظاهرات احتجاجية شارك فيها آلاف النشطاء في عدة مدن مصرية طوال الأسابيع الثلاثة الماضية.

وجرى تشريح جثة الشاب سعيد البالغ من العمر 28 عاما، مرتين، بأمر من النائب العام المستشار عبد المجيد محمود، بعد أن أصرت أسرة سعيد ومحامون وحقوقيون على مقتله على أيدي رجلي الشرطة، فيما قالت وزارة الداخلية في حينه إن الوفاة كانت بسبب اختناق سعيد بعد أن حاول ابتلاع لفافة تحتوي على مخدر.

وفي تطور لافت في القضية، قرر المستشار محمود أمس إحالة الشرطيين، وهما من قوة شرطة قسم سيدي جابر بالإسكندرية (شمال غربي القاهرة)، إلى محكمة الجنايات بعد أن وجهت النيابة لهما تهما، منها القبض على شخص من دون وجه حق وتعذيبه بدنيا واستعمال القسوة، كما وجهت النيابة اتهاما لمسؤولين بمديرية أمن الإسكندرية بتقديم صحيفة سوابق مزورة عن سعيد خلال التحقيقات بالقضية الأصلية لاصطناع تاريخ إجرامي للمجني عليه على خلاف الحقيقة.

كما أمرت النيابة بتوجيه تهمة البلاغ الكاذب إلى عدد من الشهود الذين أدلوا بشهادات أكدوا فيها على رواية الشرطيين المتهمين، من أنهما لم يقوما بالتعدي بالضرب على الشاب القتيل، وأنه أصيب جراء سقوطه من عربة الإسعاف.

http://www.aawsat.com/details.asp?section=4&article=576653&issueno=11541

كلنا خالد سعيد
كل ما أشوف الفيديو ده .. وأقرأ النوت دي اللي كتبها واحد اسمه خالد معانا في الجروب أحلم بمصر تانية خالص غير اللي شايفها دلوقتي .. وأشوف إن الموضوع مش أحلام بالعكس ده حقيقي .. التغيير هيبدأ لما كل واحد مننا يغير من نفسه .. وبجد هنقدر! اقروا النوت دي ضروري بجد:


بقلم: خالد .. شاب مصري بيحب مصر

يا ريت تتفرجوا على الفيديو اللي عملته وبيشرج نفس الفكرة

أنا رأيي لو عاوزين نبدأ فى حاجة ايجابية فعلاً
و نبدأ نغير بلدنا للأحسن
اننا نعمل الوقفة اللى جاية بجانب انها وقفة حداد على أرواح ضحايا التعذيب
نضيف ليها انها تكون وقفة مع النفس ... كل واحد فينا يفكر مع نفسه ... هو المفروض يغير ايه فى نفسه عشان بلده تتغير للأحسن ؟؟ ... و عشان ميبقاش هو ( خالد سعيد ) اللى جاى ؟؟

تبقى وقفة مصرية حداداً على كل فترة وحشة مرت بيها بلدنا
و تبقى وقفة مصرية مع النفس عشان كل واحد فينا يحدد

هل هو مستعد يتغير عشان مستقبله أو مستقبل ولاده يتغير للأحسن ؟؟
هل هو مستعد يساعد أى حد لمجرد ان الحد ده ( مصرى ) زيه ؟؟
هل هو مستعد ميقبلش على نفسه رشوة أو حتى يديها لحد ؟؟
هل هو مستعد لما يشوف غلط يفضحه بكل شجاعة .. و ميقولش : و انا مالى ؟؟
هل هو مستعد يخاف على البنت اللى ماشية فى الشارع باعتبار انها ممكن تكون اخته ؟؟
هل هو مستعد يكون ايجابي و يشارك فى الانتخابات و يدي صوته للى يستحقه ؟؟
هل هو مستعد بتقبل الآخر و يحترمه حتى لو بيختلف معاه فى الرأى ؟؟
هل هو مستعد يغير من نفسه و ميستناش حد يتغير قبله أو يغيره ؟؟
هل هو مستعد
هل هو مستعد

حاجات كتير بنعملها و عارفين انها غلط ... و محتاجين وقفة فعلاً مع نفسنا
يمكن لما كل واحد فينا يلاقى اللى جنبه بيحاسب نفسه و بيتعاهد مع نفسه على التغيير للأحسن
ساعتها يتجرأ انه يحاسب نفسه هو كمان و يحاول يغير من نفسه ... عشان ( هو ) عاوز يتغير للأحسن


و ساعتها يا شباب خالد مش هيكون مات ... ساعتها خالد هيبقى هو اللى صحى ضميرنا ... هو اللى خلانا نغير من نفسنا
عشان ربنا يساعدنا اننا نغير من بلدنا

و كلنا نقف وقفة حداد واحدة على كل حاجة غلط عملناها قبل كدة و كانت السبب فى اللى احنا وصلناله دلوقت
و كل واحد فينا يبدأ يصلح من نفسه ... و يفتكر ان مافيش رقيب عليه ... ولا حد دايماً معاه عشان يحاسبه على الغلط
( هو ) بس اللى يحاسب نفسه لما يفكر يأذى غيره

ولو كل واحد فينا قدر يحدد حاجة سلبية ( واحدة بس ) فى نفسه ... و غيرها ... تخيلوا بقى ساعتها هيبقى كام حاجى سلبية فينا اتغيرت ؟؟
و التغيير ده أكيد هيشجعه لأنه يغير حاجة كمان .. و حاجة كمان .. لحد ما هنلاقى مستقبلنا دا أحلى و أحلى

لو سمحتوا ... الوقفة الجاية تبقى : حداداً على الماضى الأليم لمصر ... و ميلاداً لشعب مصري جديد همه ان بلده تكون أحسن
تعالوا ( احنا الشباب ) نفتح صفحة جديدة فى تاريخ مصر ... كل واحد فينا يكتب فيها سطر