Gamal Moh. Ziad Kahala ‫أنا معايا كمية صور وفيديوهات للوقفة, أنا كنت من أو 10 واقفين روحت الساعة 7 الصبح قدام المحكمة وحصل ضرب وصحل شد وجذب كتير وفي عسكري اتضرب وهدومه اتقطعت وشعار الشرطة اترمى في الأرض واتداس عليه وكل الناس مشيت الحمد لله بألف سلامة بس الشرطة مش حتسكت على الي حصل النهاردة أنا متاكد إنهم بيدبروا لكارثة بس برضه النهارده ما كا...نش عادي, أم الشهيد كانت موجودة والظابط أحمد عثمان كان موجود ومدير أمن اسكندرية كان واقف وواحده حدفت عليه جزمة. بجد لو شباب مصر كلهم كدة أكيد حنكسر القيود‬

White Milk ‫بجد والله النهرده من أهم وأكتر الأيام اللى عدت ف حياتى حسيت فيها انى عملت حاجه تخلينى راضيه عن نفسى رضا كامل وفخورة بمشاركتى وباللى عملته ورغم انها مش اول وقفه انزلها بس وقفه النهرده بالنسبالى حاجه كبيره جدا ومختلفه ولأنها مكانتش صامته زى اللى فاتوا بس انا عمرى ما تخيلت انى ف الهتاف يقدر صوتى يعلى للدرجه دى بس والله معرفش جبت القوه دى كلها منين بس ده مكانش صوتى انا ده كان صوت الحق اللى مينفعش يعلى عليه صوت ووالله رغم الشمس المميته والحر الفظيع ونى دوخت أصلا بس لقتنى من غير ماحس لا بطلت ترديد وراهم ولا سكتت شويه عشان اريح لدرجة انى والله العظيم دلوقتى صوتى راح خالص
ورغم اننا من بعد نص الوقت اتبهدلنا وف الاخر بجد كانت البهدله جامده جدا لدرجة اننا جرينا منهم بس والله العظيم حاسه جوه نفسى احساس ميتوصفش وفرحانه جدا‬


‫كلنا خالد سعيد
‬ ‫كل مخبر او امين شرطة متنكر في لبس مدني ضرب النهاردة بنت او ولد في الوقفة هيتحاسب .. كل دول لازم يعرفوا ان اللي بيعملوه ده وقتي دلوقتي .. واننا بنفوق وبنصحى وكل ما عددنا هيزيد وكل ما اللي بيخاف على بعضهم هيبقو ايد واحدة .. كل ما ايامهم هتقرب .. وهناخد حقنا .. وقريب هننزل صور وفيديوهات للاعتداءات بس لسه منعرفش مدى وضوح الصور لسه‬

‫كلنا خالد سعيد‬
‫لما عسكري أمن مركزي يعتذر لشاب في وقفة النهارده ويقوله: والله انا مجبر على كده عشان متجند.. وياخد منه صورة خالد ويحطها في جيبه.. يبأه احنا شغالين صح.. تأثيرنا وصل لضباط في أمن الدولة وضباط في جهات تانية.. وعساكر أمن مركزي.. وحدتنا وقتنا وخوفنا على بعض هيغيروا قواعد سادت من سنين. لازم يكون فيه احترام متبادل بين المواطن ورجل الأمن.. مفيش إهانة ولا إذلال من النهار ده‬


‫كلنا خالد سعيد‬
Plz Like: مصر كلها شايفاكم يا شبابها .. مصر كلها حاطة أملها عليكم .. مصر كلها عايزة كرامتها .. لازم نفوق .. لازم نصحى .. لازم نطالب بحقوقنا .. من حقنا نعيش في احترام .. من حقنا نتعامل بأدب .. من حقنا يصان كرامتنا .. مش من حق ملازم أول يضرب موظفة بالقلم .. مش من حق أمين شرطة يسب الدين لبواب .. مش من حق لواء يفتري على ال...ناس لأنه رتبة .. كلنا مصريين وكلنا سواسية في القانون وكلنا لينا نفس الحقوق!