الواحد وصل لقناعة ان الاسلام هو حاجة كده عاملة زى open resource software , كل مهندس يأخذله عدد 2 كرسى معسل مع واحد صحبه على القهوة ويحضر صلاة الجمعة عشان يشخر والامام بيخطب , وشوية رياضة من سجود لركوع , لسباق على سلالام الجامع جرى من الجامع - تقولش حد كان حبسهم جوه وبيعمل فيهم حاجة وحشة لسمح الله , ويبدأ يشعشع ويعمل release لنسخة معدلة من الاسلام , قبل ثوانى قليلة من سحب نفس حشيش يعلى الدماغ ويشعشع الشعاشيع ..

ويا سلام بقى لو وصل لدرجة الانحراف والدراسة والقراءة فى كتب - معنديش ادنى فكرة اذا يوم من الايام كنت بقرائها وبأخذها جد - يعمل تسويق للنسخة بتاعته , ويبدأ يروجها للاستهلاك من الجمهور , وعين على الزبون يا بنى وعينك التانية على جيبه ..

وأوبا , لو تاجر شاطر وعارف زبونه عايز ايه هتتضرب معاه وتولع ويبقى من اصحاب الملايين ( عمرو خالد كنموذج ) , سواء كان متطرف او متهاون او حبة فوق وحبة تحت , ومش مهم هيحصل ايه - المهم تسنفر بضاعتك , وتملئها من السمين والغالى " فتوى لواحد مات من ستين الف سنة , قصة من التراث الاهبل , نكتة بايخة عن رسول المسلمين , اى حاجة ترقق القلوب وتفتح القنوات الفضائية , وتجذب الدعاية ... وقناة الناس , قناة توصلك الجنة , الله أكبر .

الاسلام ده كبرنامج معجزة القرن , عامل زى الكرة السحرية او مرأة هارى بوتر " فى حجر الفليسوف " حيث يقف هارى بوتر - فى هذه الحال احمد عبد العال او حسنين محمود مش فارقة , امام مرأة الامانى , وأى شئ يتمنى احمد عبد العال ان يراه يظهر امامه , وهو واقف قدام المرأة فرحان والسعادة ملية قلبه , مفكر انه شايف اما صورته او ما سيكون عليه فى المستقبل . والنصيبة انه يصدق نفسه - محمد حسنين يعقوب مثلا كمثال , بقاله مليون سنة بيبشر بمجتمع خالى من الرذيلة لو التليفزيون اتشال وقناة الناس انتشرت , ومعدلات التحرش بقت بتتضرب السقف - ويبدا يبيع الوهم لناس , منهم ناس بتشترى وناس بتؤمن وناس بتمشى على الموجه وناس بتفرض ... بس أوعى تقلق , كل زبون وليه بضاعته ! نسخة محمد حسان مش نفعة معاك , جرب التعديل الجديد من محمد حسنين يعقوب , مش نافع برضه - اوعى تقلق مش هتمشى من عندنا الا وانت مبسوط ومعاك نسخة .. طيب جرب كده نسخة الجدع ده بتاع الصوفية , هى مرحرحة شوية بس هتضيق بعد اول غسلة ..

وعشان السوق منافسة , والحكومة ربنا يأخذها عايزة تخلى الشعب يشم نسخة امام الازهر " شنخر - النوم العميق " , لازم نعض فى بعض , والا منبقاش ولاد كلب . نسخة يعقوب " الكلب الهايج " واللى عملها تعديل عشان تشتغل مع نسخة حسان " راسبوتين فى اسبوعين " , لازم يطعنوا فى " شنخر - النوم العميق " ويقولوا انها مش شغالة تمام وهتخلى الشعب ينام ومستر تتسونى ( القضيب باليونانى ) هينام , عشان كده قعدوا مع بعض على القهوة وبعد مناقشات طويلة وشد وعطى مع الشيشة توصلوا الى نسخة جديدة " راسبوتين ابن الكلب الهايج " وبيقولوا انها لا تكلف الكثير وتم انتاجاها متفقة مع معايير العالمية وماشية مع اى نسخة , وتكلفتها للموطن الذكر عدد واحد جلبية وسواك , والانثى خيشة سوداء واحدة وملوش لازمة السواك .

لكن لان ولاد الحرام مسبوش للواحد حتى اللباس , نشلوه , يأتى شوية سوكوا دوكوا شباب قمور ابيض وحلو يحط نفسه وسط المعركة , ويعمل نفسه الحلو القمور اللى هينتج النسخة اللى تمشى مع " شنخر - النوم العميق " و " راسبوتين ابن الكلب الهايج " على اساس انه هجيب الكلب من ديله , وانه فهامة عصره ومحدش فهمها غيره , وهو اللى هجيبها بجد . وفجأة وسط عبط " شنخر " وتصلب " راسبوتين ", يطلع لنا الشاب عمرو خالد بنسخة جديدة تكتسح الكل ويطلق عليها " مرقعها " . قوة مرقعها مستمدة من نقاط ضعف " شنخر " و " راسبوتين " , لان شنخر مكنتش شغالة مع الناس اللى متعلقة بالنص التشغيلى للألات , والمشى على ما كتب فى المنيول بالضبط . بس العكس كان مشكلة نسخة " راسبوتين " مع الناس اللى مش عايزة تمشى على المنيول وعايزة ألا ايه , استغفر الله العظيم , تشغل عقلها . وهنا , وحين عمرو خالد كان قاعد يحشش على شاطئ جليم بالاسكندرية , وبعد نقاش دينى عن فائدة غسيل القضيب قبل ما تنزل المياه الملحة , فهم الخلاف بين " شنخر " و " راسبوتين " الذى كان ان يؤدى بنصف الامة الى الشرمطة , والذهاب بحثا عن تتسونيز أجانب . فكتبت لـ " مرقعها " النجاح وانقذت الامة .

وأقول قولى هذا , واستغفر الله ليك ولكم , يا أيها الذين امنوا لقد انقذنكم من شنخر والنوم العميق , وألهمنا يعقوب وحسانا ان انتجوا راسبوتين ابن الكلب الهايج , لنلهم عبدنا خالد ان الحل انك تمرقعها , فمرقعها وكانت خير المرقعة , وانقذنا أمة الاسلام مش عارف من ايه , مش مشكلة مينفعش نكتب فى وحى اننا لا نعرف , كان هذا قول ربك فسبح باسم البروسر والانترنت اللى خلانا نتكلم ع بعض من اساسه .