(08-08-2010, 09:35 PM)Guru كتب:  عن ماذا تدافع يا عاشق؟

بدافع عن نفسى يا أخى !! واحد بيقولك لابد من التعامل مع " معتدليهم " بالصرمايه , يعنى مش عاوز يشوف مسلم يقول " أنا مسلم مؤمن " على وجه البسيطه , اللى زى ده لو شفته هاكله بأسنانى .

(08-08-2010, 09:35 PM)Guru كتب:  الرجالة مقالتش حاجة غلط، ولكن بيعبروا بالفعل عن مشكلة أنت مش حاسسها لانك مش مسيحي أو لانك مش ملحد بتفطر في رمضان او تكون جعان ومتلاقيش اكل لان المحلات قافلة وخايفة من انتقادات المسلمين!

متغالطش نفسك ,,, المحلات والمطاعم بتفقل لعدم وجود زباين , مش معقول أنا هكون صاحب مطعم وهفتح طول النهار وأشغل مراوح ومكيفات وتلاجات علشان زبونين تلاته غير مسلمين , اللى جاى منهم مش هيغطى مصاريف الكهرباء فقط أو أجور العمال .

(08-08-2010, 09:35 PM)Guru كتب:  بل إن معتدلي المسلمين في رمضان لاوجود لهم أصلاً، لأن من رأى منكم منكرا فليغيره! وهذا من أصول الدين يا عاشق.

الناس فى مصر عارفه أن بينهم مسيحيين كتير , ورؤيه شخص بياكل أو امرأه متبرجه لا يثير أحدا الا اللى دماغهم أوسخ من الصرمه القديمه .

(08-08-2010, 09:35 PM)Guru كتب:  أنت نفسك على أرض الواقع غير الانترنت. يعني لن ترضى مثلا بأن تعزم جورو الملحد لمنزلك ليأكل من أكل زوجتك ويراها ويلاعب أولادك وستعتبر ذلك تعدي فكيف لملحد أن يزور بيتك ويشوف حريمك!

هذا بتجرد تام.

أنت متعرفنيش كويس علشان تقولى أنت نفسك !!

أنا نفسى دخل بيتى بارات سيشا السيخى الهندى ورون ديفريز الملحد الهولندى زملائى فى العمل , وأكلوا من أكل زوجتى وداعبوا أولادى , لكن لابارات ولا رون سخروا من دينى وأهانوا رسولى وقالوا دينك يا مسلم فيه كذا وكذا .

دخل بيتنا وأنا شاب فى عمر 15 أو 16 سنه مجموعه من الخبراء الصينيين والذين لأعلم انتمائهم الدينى و كانوا فى زياره عمل لشركه والدى وعزمهم فى بيتنا , وانبهروا وقتها بالتليفزيزن الملون والثلاجه والشقه الواسعه والكلبه الوولف اللى كانت عندنا فى البيت وازاى أنها مدربه على أنها ترفع رجلها الأماميه علشان ترحب بيهم وتسلم عليهم , وتناولوا وجبه الفداء فى بيتنا وشاهدوا والدتى وسلموا علينا فردا فردا قبل مغادرتهم .

مشكلتكم أنكم بتعمموا على جميع المسلمين , رغم أن ما ترصدوه من مظاهر لا يعبر أصحابها عن 1/ 10000000 من حقيقه الوضع .