ما كل هذا التجلي! فتحت نفسي يا شيخ! مساءك ورد والف شكر على البوكيه الجميل من الغيط ... بس على فكرة الغيطان ما فيهاش ورد حلو زي كدة. الورد ده بياخد عناية واهتمام وناس فعلا بتعشق الورد وكلها إحساس مش جماعة الغيطان اللي أنا جاي منهم.. دول ربنا ما يوريك!!

بخصوص كتاب الزينة: مش ده اللي أنا كنت صورته للجماعة الإسماعيليين؟ لما خدنا الحماس واشتغلنا على الكتب الاسماعيلية فاكر إني استلفت لهم كتاب مطبوع في اليمن وكان كتاب الزينة. بعد شوية لقيت الكتاب بيولد وكأنه جاي من ضهر ولادة بنت المستكفي هههههههه. الكتاب لقيت له أولاد وأجزاء تانية... الكتاب اللي سمعت إنه محتاج شغل كان نسخة قديمة وتقريبا ورقها أصفر ودي بخلاف اللي أنا اشتغلت عليها. هل فيه نسخة معينة من كتاب الزينة نفسك أشتغل عليها؟

شكرًا كتير على وصلة الكتاب. أنا مهتم بالمسائل الفيلولوجية وصديقي "كريستوف لوكسنبرج" بدون شك متحمس لها. تفتكر كتاب "الزينة" ده بيربط العربي بالسرياني؟ لو كدة يبقى ممتاز جدًا. لو حابب تنورني شوية عن قيمته اللغوية/ الفيلولوجية أكون ممنون لك. ألف شكر. مجيئي دلوقتي لنادي الفكر بيكون بنفس مفتوحة عشاني بالاقي حد أعرف أتكلم معاه زيك وده شرف كبير لي.