(10-11-2010, 05:18 AM)neutral كتب:  أنا من مدة شاهدت حوار لوزير التعليم وكان يناقش مسألة الكتب الخارجية ووجدته يقول أن ظاهرة الكتب الخارجية ليست موجودة فى العالم كله سوى بمصر! مكتبة كبارنز أند نوبل بها قسم كامل مخصص للكتب الخارجية وبها كل أنواع الهرتلة على شاكلة الجبر فى 20 دقيقة يوميا, التاريخ الأمريكى فى السريع, من الأخر فى الفيزيا, سلسلة قصر فى الأحياء, خلصنا يابا فى الكيميا بل وهناك ناشرين عاملين المناهج على شكل كوتشينة!
مسألة الكتب الخارجية هذه مسألة عرض وطلب وأنا شخصيا لا أرى ضرر منها لأنها بتشجع المنافسة وقضية تدخل فى نطاق حرية التعبير وبدلا من الشكوى من الكتب الخارجية طور كتاب الوزارة ولاتعطيه بالمجان سوى لغير القادرين. الناس عندما تحصل على شئ مجانا بتستقل قيمتها لكن لما بيدفع فلوس نظرته للأمر بتختلف.

طبعا هي فكره جيده حكاية ان كتاب الوزاره يباع في المكتبات مثل الكتاب الخارجي ويمنح مجانا للطلاب الغير قادرين
لأن فيه طلاب قادرين كتير جدا
بيستلم الكتب المدرسيه و بيرميها في الزباله
وبيعتمد على الكتاب الخارجي

وطبعا كتاب المدرسه بيبقى عامل زي اللوغاريتمات وخاصة كتب الرياضه والفزياء

وكتب الوزاره دي بتتعمل مناقصه لتأليفها ، وفي بعض المواد بيقدم المؤلف عرض أن يألف الكتاب مقابل جنيه واحد
وطبعا الكتاب بيكون كله أمثله غير محلوله ومسائل مبتوره وعليك الرجوع إلى مدرس الماده اللي بيشرح بذمتين
ذمه خربانه في الفصل و مهما حاولت تفهم اللوغاريتمات اللي في كتاب الوزاره فلن تفلح
إلا بدرس خصوصي وتفاجأ بطريقه مختلفه في الشرح وامثله توضيحيه لا تقال في الفصل

أو من خلال الكتاب الخارجي اللي مؤلفه هو نفسه مؤلف كتاب الوزاره ، بس هنا الاسلوب سلس والشرح وافي والأمثله متعدده

وعشان كده بيحرص مؤلفوا كتب الوزاره على تعقيدها ، حتى يضطر الطالب إلي شراء الكتاب الخارجي