الأخ العلمانى

عبد الناصر مات وإنتهى ، وعاوزين ننقذ الناس من الموت المعد لهم أبدياً وأرضياً

القرية بتنتج الأكل ، والأكل معناه فلوس ، عبد الناصر أخذ الفلوس وإشترى بيها سلاح ، والسلاح إتدمر فى المعارك وكده طارت الفلوس
وجاب الناس من القرى وأعطاهم كتب فيها التاريخ المغلوط ، والصورة المغلوطة عن الواقع ، وقعدهم جنبه يصرف عليهم بدون عمل حقيقى ، وكده طار العمل

الفلوس طارت والعمل طار ، والناس وقعت فى حيص بيص

ولولا السلام ، وناس بتروح دول البترول ، وناس بيروحوا المهجر ، وبلاد بتنتج القمح ونشترى منهم آلاف الأطنان كانت ملايين من الناس ماتت من الجوع

المطلوب إن الناس ترجع للحياة المدنية وتتوقف الثقافة الحربية ، وده مش هيحصل بالساهل لأن أولاد المدارس تعودوا على كرم الخليفة ومدفوعات الخليفة ، لكن هيرجعوا غصب عنهم بعد أن يحاط بهم ، وتنسد أمامهم أبواب السلب والنهب

---

نسيت أقول إنك بتقول إن الفلاح كان بينضرب بالكرباج ، وفى المدارس قالولنا إن الشعب المصرى طول عمره محارب ولايفعل شىء سوى الحروب والفتوحات ، فكيف يتفق الكرباج مع الفتوحات ؟