(11-12-2010, 07:27 AM)neutral كتب:  [quote='Camelia8' pid='1026751845' dateline='1289336687']
بعد هذه المقدمة التى تتناول الأسس والقواعد الأخلاقية التى أنطلق منها فأنا أريد أن أعرف رأيك فى المناظرة بين العرعور وعبد العال سليمة ولك جزيل الشكر.

أنا أطلعت على الفيديو اعلاه وبصراحة مفهمتش كلمة واحدة , ولان وقتى ضيق والموضوع مش مهم بالدرجة فلن ابحث وراءه او اوجع دماغى. لكن لانك تعبت نفسك ورديت , فمن رأى انك تستحق توضيح . شوف أنا انسانة مسلمة عادية - يعنى انا حتى مش محجبة ولا ماما محجبة , وبصراحة عمرى ما شفت بابا بيصلى او يمكن ماما. ساعات بابا يقولى " روحى صلى " فأقوله " بس يا بابا انت مش بتصلى " فيرد على " انا مشغول وبشتغل ليل نهار عشانكم " فأرد انا " صحيح انا عندى وقت فراغ .. هروح اقشر بصل ".

وكل ما يحاول يفتح الموضوع معاى , اقوله كل مرة " ان الولاد بيتعلموا من سلوكيات والديهم , فلازم هو يصلى الاول عشان انا اصلى " ..

بس ده ميخلنيش اتكلم بقلة ادب عن الاسلام او اى دين تانى , كونى لا بصلى ولا بصوم.

أنت لم كنت بتعمل حاجة غلط وانت صغير - مش ماما كانت بتتضربك على ايدك وتقولك " عيب ما تعملش كده تانى ". أنا بقى معرفكش ومقدرش اضربك , بس هقولك " عيب ما تعملش كده تانى ".

وياريت تكون مؤدب ومحترم وتسمع , انا ممكن اكون اصغر منك - بس عمر ما كان السن حجة او داعى ان نطول لسانا او منكنش محترمين.

صدقنى , انت لو عملت كده محدش هيحبك ولا هيصحبك وهتعيش وحيد.. فليه بتعمل كده !