اولا انا اول يوم اشتراك ليه فى منتدى الفكر الحر وبصراحة انا لست على شك من دينى او ميل الا الخوض فى الفكر الملحد ولكن استفزنى الكلام انى اقول حاجتين ياريت حد يشاركنى الراى فيهم:

اولا انا من الناس المؤمنة جدا بان كل بنى ادم فى الدنيا مايتمناش الفكر اللى يقيده ولا الفكر الملزم بالنسباله يعنى اكيد مافيش عقل بشرى يتمنى ان دين او حد يقوله ان الزنا حرام وان النساء محرمين عليك ولا ان اى حاجة تعملها حرام ولكن هى دى العقيدة والايمان وبالتالى كل واحد مننا بيبدا يخلق لنفسه فكر واتجاه يمشى بيه افعاله ويقنع به عقله بحيث تكون منهج ليه ومن هنا ظهرت التيارات اللى انا مش مؤمن بيها اطلاقا زى السلفية والشيعة والملحدين والبئهايين الخ الخ الخ.لو نظرنا للعامل المشترك بين كل دول هنشوف ان دول كلهم مسلمين طب ليه مانوصلش لصيغة وسطية تجمع بين فروض ربنا اللى لازم نكون مؤمني بوجوده ونجمع فى نفس الوقت بين الاخلاق والقيم اللى بينادوا بيها الملحدين ايه المانع ان الاتنين يجتمعوا مع بعض.


ثانيا انا لست مؤمنا اطلاقا بنظرية التطور او ماشابه اللى يثبت ان الكون مسير بنظريات .ممكن لو اخ ملحد سال ادينى دليل على وجود خالق وخصوصا دليل مادى اقوله انت اكيد مش هتشوف ربنا(والعياذ بالله) لان ده الدليل الوحيد المادى اللى يثبتلك ولكن لازم نعترف كلنا ان لازم تبقى فى كل حاجة فى حياتنا ماهو يفوق طاقتنا زى مثلا واحنا اطفال كان لازم نحس ان فوقنا اب بيسير كل حاجة لان فى حاجات احنا مانقدرش عليها والمدرس فى الفصل والدكتور فى الجامعة ممكن حاجات كتير تكون نظرية التطور بتفسرها علميا لكن فى حاجات العلم بيعجز عنها ولازم ساعتها نستشعر ان فى حاجة اقوى مننا كلنا واقوى من العلم هى اللى مسيراها

الموت-المطر-الجنين اللى فى بطن امه-

لو ادينا مثال لشاب فى مقتبل العمر صحى وبكامل العافية مات وهو قاعد وسليم .ياترى ايه اللى موته ولو قولنا ان عنده مرض مش ظاهر طب ماممكن واحد زيه بنفس المرض مايموتش؟

اعتبروها خواطر واللى عاوز يناقش يناقش