اقتباس:ما تروح تفتح كتاب تاريخ وتقرا شويه يا راجل ... مش معقول كده !!! هانفتح النادي مدرسة ابتدائية؟

عندما أرى ردودك هنا أتساءل من هو المسؤول عن انعدام الوعي التاريخي عند أمثالك؟
هل هو النظام الحاكم؟ هل هي الكتب المدرسية؟ هل هو الإعلام التافه؟ صحيح، أنت عمرك كام ؟

حاجه تزهق !!

أنعدام الوعى التاريخى اتى من اللى زور التاريخ , وسمى كارثة 67 بنكسة , واللى منع الكتب وسجن المعارضين , وقلنا العروبة هى أملنا وهنرمى فلوسنا فى البحر ونشوف هتطلعنا كام , وسحبنا فى حرب لتحرير فلسطين وحدف اليهود فى البحر لنكتشف ان اليهود هما اللى هيحدفونا فى الترعة , ومن نظام سياسى عسكرى ديكتاتورى ثبت فشله فى ألمانيا النازية وايطاليا الفاشية واليابان.. لكن كعادتنا نحن الشعوب المتخلفة , نجيد تصنيع النفايات لنكتشف لاحقا انها نفايات لا تنفع ولا تغنى..

ولو حضرتك رجل أكبر منى فى السن والمعرفة , الأولى بيك ترد على السؤال ؟ لأنى عارف الأجابة قبل ما أسئله , لتكون مفكرنى تلميذ بيرفع ايده فى المدرسة وبيطلب الأجابة ..

نقول تانى يا مستر علمانى : هل دولة اسرائيل او مجموعة المجندين اللى أتوا الى فلسطين وقرووا ان ينفذوا وعد بلفور ( كما ذكرت الزميلة نسمة شاكرة ) قاموا بأى عمل أرهابى ضد ملك او دولة مصر والسودان , او الدول اللى كونت الجيوش العربية لطرد اليهود - كانوا اليهود هاجموا حد فيهم , زى سوريا او لبنان او السعودية او الجزائر او اى دولة شركت فى 1948 ؟

اقتباس:فدع الرجل يعرفنا بكل ما دسه السادات فى العقول فربما نالنا الثواب فى تنبيه غيرة بما خفى عنهم

أعتقد ان من غير المناسب ان نتكلم مع بعض بالاسلوب ده. الانسان بيغير مواقفه وأرائه بالقراءة والمعرفة , مش حد دس السم فى عقلى. على الأقل انا مش ماسك كلمتين هر بيهم هيكل زى " ابن ست البرين " , و " السادات الأسود " و " عقدة الخواجة " وبقية الهبل المكتوب فى خريف الغضب وأبنى عليهم نقدى لعشرة سنين حكم فيهم السادات مصر.

(01-03-2011, 12:17 AM)هاله كتب:  

اقتباس:أمتى هاجمتنا اسرائيل قبل 1948

و هل الهجوم العسكري هو ما يدخل الحسبة فقط؟
لماذا رفض النظام السوري التطبيع الاقتصادي؟ و تصر عليه اسرائيل الحاحا؟
أليس لأن الانفتاح الاقتصادي بيودي البلدان المفتوحة في ستين ألف داهية خاصة ان كانت بلدان عالمثالثية باقتصادات ضعيفة و هشة و متخلفة؟

اسرائيل تهديد اقتصادي تماما مثلما هو سياسي و عسكري .. أليست السياسة شكل ظهور الاقتصادي لنا و الحرب شكل مسلح لصراع سياسي اقتصادي؟

و بالتالي حتى لو لم تعتد اسرائيل عسكريا فهي مشروع عدوان شامل.
و انظر مسيرة الاقتصاد المصري بعد التطبيع و التأثر التراجيدي للمسيرة السياسية به و انقراض دور مصر في المحفل العربي و الدولي.

هالة يا عزيزتى , العقوبات الاقتصادية هى جزء من الدبلوماسية الخارجية فى يد الدول. أيران الان مفروض عليها عقوبات اقتصادية بتهدد الأقتصاد الأيرانى تهديداً مباشر , ومع ذلك ايران بتجتمع مع الولايات المتحدة ومفاوضات بين هنا وهناك . أكيد فى تلك الأيام السابقة لعل الأمور كانت مختلفة , فحق الرفض مكفول. لكن التهديد الأقتصادى المباشر لا يحل الا بالدبلوماسية وليس الحرب , يعنى ازاى واحد اقتصاده بيتألم وهيروح يفتح نزيف معارك وحروب وصرف !

ده بالأضافة الى ان الهجوم العسكرى هو الشئ الوحيد اللى يجعل دولة تحرك جيش وتخرج بيه لتصد عدوان دولة اخرى. فأيام السادات او اظن مبارك عندما حرك العقيد القذافى شوية دبابات وحاول تقريبا يعدى الى مصر , طيران مصرى خفيف طلع وشن ضربة أجهاضية - مش يحرك الجيش ويقول هنحدف القذافى فى الترعة.

ده انا ممكن أجيب لحضرتك أمثلة , ان النظام المصرى هو اللى أبتدئ الهجوم على الأسرائيلين ويهود فلسطين - وعلاقة الملك بالاخوان المسلمين , وما عرف بمعسكرات التدريب كانت احد الأمثلة الصارخة على ذلك , والعمليات فى العمق الاسرائيلى وما عرف بالأستشهاد و و و .. بيجعل للاسرائيلي ليس الحق فقط انه يغزو سيناء , بل يدخل يحتل القاهرة.

ودى أظن بيسموها فى الزمن الحديث ( عمليات أرهابية ).