أعتقد بأن أغلبيتكم قد شاهد الفيلم الأمريكي الذي يحمل عنوان: Pay it Forward (الرابط)

مش ح اكتب قصة الفيلم, واللي عاوز يقدر يروح للرابط أعلاه ويكحل عينيه

فكرة الفيلم تقوم على مبدأ إنك تعمل معروف أو جميل لشخص معين, والشخص ده مش بالضروري إنه يرد لك الجميل, لكن اللي حيعمله إنه حيعمل المعروف لثلاث اشخاص تانيين ... والثلاثة التانيين كل واحد منهم حيعمل لناس تانية .. وهلم جرا

مثال:

أليكس (اللي هو انا طبعا) يلاقي أبلة نسمة مزنوقة بقرشين ويقوم مطلّع المحفظة بتاعته ومديها جوز فرنكات (فرنسية)

اليكس مش حيقعد يستنى أبلة نسمة تقعد تشكره وتدعي له دعوتين (زي شحاتين السيدة), لكنه حيطلب منها إنها بالمقابل تحاول تساعد اعضاء تانيين بالمنتدى

تروح ابلة نسمة (وبعد تفكير عميق) وتساعد الدكتور بسام وأوبزيرفر وفودكا

بسام بدوره حيساعد تلات اعضاء تانيين, وكذلك اوبزيرفر وفودكا

وكل واحد منهم حيختار له ثلاثة تانيين ...... الخ الخ



سؤالي هو:


هل حد منكم حاول إنه يعمل الحكاية ديت؟ إنه يعمل خير أو معروف لحد تاني من من غير لا يتوقع حاجة بالمقابل؟