الاخ بسام - الكلام الذي يكتبه الاخوة نيوترال وجورو وغيرهما يعبر عن شريحه واسعه من المصريين اليوم ولا ينحصر في اقباط او ملحدين
وهما فعلا خايفين على مصر - وانا عندي اصدقاء كتير جدا لهم نفس الرأي زي الزملاء نيوترال وجورو
زي مافي ناس متحمسين جدا ومخنوقين ونفسهم يشوفوا اي حاجة جديدة حتى لو كانت ازفت من مبارك بس تبقى حاجة جديدة وخلاص - فيه ناس كتير ويمكن القول انهم يشكلون نسبة كبيرة من المصريين لا يريدون ان تمضي مصر نحو المجهول بطرد مبارك -
انا اعتقد بان الصواب هو ما سيحصل في الشارع الفترة القادمة لان تحركات الشارع اليوم تعبر عن الشباب ولا تعبر عن ايمن نور ولا البرادعي ولا الاخوان - ولكنها تعبر عن الشباب فعلا
فلو قرر الشباب السكوت والعوده الى منازلهم فسيكون هذا هو الصواب ولو قرروا الاستمرار وتصعيد المظاهرات فسيكون هذا هو الصواب

انا في جميع الاحوال لا اعتقد ان انتخابات الرئاسه السنه دي ستمر بسلام بعد ما حصل البارحه لو قرر مبارك ترشيح نفسه تاني او قرر ان يرشح جمال
لن تمر بسلام ابدا وبجد بجد بجد مستقبل مصر دلوقت اصبح فعلا في ايد مبارك والكره في ملعبه
لو هو عايز يهد مصر بجد يبقى يرشح نفسه او ابنه في الانتخابات الجايه
ولو هو خايف على مصر ينسحب ويتنحى هو وابنه
ولو حصل ترشيح لا اعتقد ابدا ان مصر ستخرج من الفوضى العشوائيه التي لن يكون عليها سيطره زي ماهو فيه سيطرة على المظاهرات امبارح
حتى لو وصل الامر الى ان الحزب الوطني يختار شخصية جديدة ويرشحها فممكن الامر ده يتم ويعدي بسلام
لكن لا اظن ابدا انه سيمر بسلام لو كان الترشيح ده في اسرة مبارك
ما حصل بالامس جرس انذار لمبارك واسرته - وقد يكون اكبر من مجرد جرس انذار وهذا ما سيظهر اليوم من خلال المظاهرات الجديدة المنتظرة - فلو فهموا الرسالة فيه امل انهم يستمروا في مصر مع وعد بالانسحاب من الحياه السياسيه وعدم الدخول في انتخابات 2011 ولو لم يفهموا وهو الارجح فهم الذين اختاروا تسليم مصر على طبق من ذهب للاخوان او لاي تيار اخر وهم المسئولين عن ذلك بما سيحصل في مصر بسبب طمعهم الشديد والعبثي في الكرسي