قفلوا رسايل الاس ام اس
قفلوا الانترنت
قفلوا المساجد بعربات امن مركزي
وده حيخلي الناس تبطل تضييع وقت في الموبايلات ويركزوا على الحصول على حريتهم وحيخليهم يصلوا الجمعه في الشوارع عشان يتحركوا بسرعه من غير قيود

كل حركه بيعملها حبيب العادلي بتؤكد اكتر واكتر انه اغبى وزير جاء في عصور مصر كلها
كل ما بينشف دماغه وتاخده الغطرسه بيقضي على نفسه من غير ما يدرى لأن كل ما يقفل على الناس كل ما الناس حتتخنق اكتر وتنفجر فيه وفي مبارك
ومبارك تصرف ولا زال بغباء منقطع النظير بتخليه عن منصبه في احلك الاوقات حتى انا بدات افكر انه الآن قيد الاعتقال وانه ربما حبيب العادلي يتصرف بصلاحياته بعد ما رماه في سجن من السجون
وهذا امر غير مستبعد ابدا ان يكون مبارك دلوقت محطوط في حالة فزع املاها عليه وزير الداخليه بحيث انه قام بادخاله في احد المخابيء تحت الارض وقرر ان يتولى هو رئاسة مصر

ده وقعتهم حتبقى بجلاجل ان شاء الله