كلنا خالد سعيد
الليلة دي في التحرير كانت ليلة جميلة. أعداد الناس فوق العادة. الجيش حاول يدخل الميدان بالدبابات والعساكر قامت الناس نامت تحت الدبابات عشان تمر الدبابات على جثثهم لو مصممه تدخل. وبعدين شيوخ الأزهر قعدوا يخطبوا في الناس ويدعوا لحد ما الجيش انسحب. أنا شوفت ناس نايمه جوه تروس الدبابات! منظر مش طبيعي. نصيحتي للعالم: محدش يتحدى المصريين



كلنا خالد سعيد
فاكرين قناة إي بي سي اللي حاكم الطوارئ اختار إنه يكلمها من يومين ويقولها أنا فاض بي الكيل من البلد دي؟ نفس القناة دي نشرت كشف حسابه وقالت إن ثروته توصل ل70 مليار دولار. عايز تنهب قد إيه كمان يا ريس عشان ترتاح وتريحنا؟ لو تقولنا ممكن نلم من بعض ونتبرعلك بيهم دلوقتي ونخلص وأهو الحلال أحسن يا ريس. ذنب كل جعان وكل شقيان وكل طفل مات مش لاقي دوا في رقبتك يا ريس ليوم الدين



كلنا خالد سعيد
ملاحظ إن اللجنة الإلكترونية بالحزب الوطني قلت تعليقات الكوبي والبيست بتاعتهم وبقت كل تعليقاتهم شتيمه وألفاظ خارجه. ده دليل على إحساسهم بالهزيمة وقلة الحيلة. اختبار الحرب النفسية اللي بيشنها الحزب الوطني علينا على الفيسبوك من أهم الاختبارات اللي ثورتنا بتتغلب عليها. صدقوني الناس دول حيحتفلوا معانا وحيكونوا أكتر ناس بيتب...روا من النظام لما يسقط زي ما كلهم بيتبروا من أحمد عز وحبيب العادلي اللي كانوا أسيادهم من يومين بس




كلنا خالد سعيد
في حاجات كتير ممكن نعملها عشان نضغط أكتر لتحقيق مطلبنا غير المسيرات المليونية اللي لازم تستمر والاعتصام في الميادين اللي لازم يستمر برده. خصوصا دلوقتي مع انهيار كل دفاعات النظام القمعية أمام صمودنا ممكن نعمل حاجات كتير كانوا محرمينها علينا قبل كده. نقدر مثلا دلوقتي نعلق يافطة على بلكونتنا عليها مطلبنا أو نعلق ورقة على صدورنا. قولنا لو عندك فكرة

---

(02-06-2011, 12:52 PM)بسام الخوري كتب:  

(02-06-2011, 11:36 AM)Blue Diamond كتب:  الدستور: أكثر من 300 شخصيه قبطيه يوقعون علي بيان يدعمون فيه مطالب المحتجين

i am not sure from this news