(02-10-2011, 03:09 AM)أحاه كتب:  مريم , أعتقد ان الفيديو ملهوش علاقة بالبكاء ولكن بالأعتذار نفسه. كويس انه قال انه تم التغرير بيه وانه جاء عشان يعتذر , وانه معترف بغلطته . ضفى على ذلك , ان التصوير تم بعلمه وموافقته

ياعم ممكن يقول كل اللي عايزه لما يكون في حالة أحسن .. حفظ كرامة حتى عدوك ده دليل على أخلاقك ورقيك . أنت شفت شكل الولد وهو منهار ؟ لاتقولي موافق ولا مش موافق .. ده واحد منهار ومعرفش كام واحد حواليه بيستنطقوه .. ماكانش ممكن يستنوا يعني ربع ساعة ؟ في ناس كتيرمش مع اللي في التحرير .. في ناس نص نص .. أنا أعرف ناس كانوا مع التغيير بس ضد المرابطة في الميدان وناس مقتنعين إن في تدخل خارجي .. الناس دول مصريين كمان ومش هاتطردوهم من البلد .. صدقني الولد اللي طلع على المحور وبعدين وائل غنيم عملوا تأثير فعلآ عالناس لأنهم قدموا صورة كويسة عن اللي في التحرير فبلاش ييجي عمل إنتقامي سيء زي ده ويقدم صورة وحشة ووحشة جدآ كمان.

جورو ..

اللي في التحرير دول أخواتك .. مختلفين معاك جايز .. مختلفين مع بعض كمان علشان كلهم مش من تيار واحد بس كمان مصريين زيك ودي بلدهم زيك أما الأمن وتسيير البلاد فدي مسئولية الحكومة .. النظام لم ينهر بل إختار الأزمة والجميع سيتفاوض في النهاية لكن الأقوى سيفرض شروطه لذلك كل طرف طبعآ يريد إثبات إنه الأقوى..ماتخافش من إنهيار مؤسسات الدولة لأنه لن يحدث .. لن يسمح أحد بحدوثه فالجميع بلا إستثناء يدركون مخاطر ذلك.