(02-23-2011, 09:29 PM)Guru كتب:  يابسام الثورة المضادة لن تأتي من مبارك او اولاده لانهم انتهوا تماما و كل من يقول عكس ذلك فلابد من الكشف على سلامة قواه العقلية من الاخر!

الثورة المضادة (ان صح هذا المصطلح اصلا- لانه لايوجد الان فاسد في هذا البلد إلا وبيترعش من جبروت المصريين) لو حدثت فستحدث بدعم مادي من رجال الاعمال، و من امناء و ظباط الشرطة الذين اقالهم محمود وجدي او من سيهربون بسبب مذابحهم التي قاموا بها.

مبارك انتهى بالفعل لكن جمال لسه جورو و الايام هتثبت انه له ايد كبيره هو و صفوت و رجال الاعمال الفاسدين فى كل التخريب اللى بيحصل فى مصر دلوقتى

اقتباس:ايضا يحزنني اتهام احمد شفيق بأنه يقود ثورة مضادة على الرغم من ان مواقفه حتى الان كلها رجولية بإمتياز (بإستثناء موقعة الجمل) ولا أعتبره مسؤول عنها لانه حتى الجيش لم يستطع حماية المتظاهرين وقتها فكيف برئيس وزراء لا يمتلك حتى جهاز داخلية!

نقلاً عن شاهد عيان من موقعه الجحش كما سماها الثوار
لحد وقت متاخر من المساء ما اتحركتش ولا عربيه جيش واحده حتى تعمل حاجز بين البلطجية المبعوتين من رجال الاعمال و الثوار فى ميدان التحرير
رجال الجيش كانوا بيبكوا من المنظر و انهم ماعندهمش اى اوامر حتى بالتفريق بين الفريقين
اللى حصل ان ظابط جيش هدد بقتل نفسه فى التحرير و حط مسدسه فى فمه ان لم يتخد الجيش اى إجراء
بعدها حطوا شويه مدرعات حربية
الكلام دا هتسمعوه من ناس كتير كانوا فى التحرير يوم الاربع فى موقعه الجحش
من فضلك جورو ما تقليش ان محدش كان عارف مين اللى جايب الناس دى و ان وزير الدخليه غلبان و ماكانش بايده شىء
هو كان عارف كويس ان فى ظباط و امناء شرطه هيهجموا على الناس و كلهم اتسلموا للجيش
و طلع يقول بكل بجاحه مفيش ولا واحد من الشرطه كان له علاقه بموقعه الجحش
ايه المسخره دى؟
هما لسه فاكرين نفسهم اسيادنا و بيكدبوا بكل وقاحه و بجاحه؟؟؟


شفيق مسؤول عن كل اللى هو جايبهم و اللى حصل يوم 2/2 كان وقت وجوده فى الحكومه
لو هنفضل نقول ما كانش يقد يعمل حاجه و ما كانش يعرف يبقا قول على مصر يا رحمن يا رحيم
كفايانا مجاملات
اللى يقصر يتحاسب و اللى مش قادر يكون اد المنصب اللى هو فيه يبقا يستقيل و كفايا استفزاز
مصر فيها ناس كتير كفء و تقدر تعدى بينا لبر الامان
مش زى ما بيحاولوا يوهمونا بالفراغ السياسى و الامن القومى
هما اللى ورا كل البلاوى اللى بتحصل
محمود وجدى اقذر من العدلى نفسه