اليوم جميع جوامع منطقة شبرا اعلنت من خلال اللاقط "الميكروفون" ان هناك فتوى من الجمعية الشرعية تقول أن التصويت بنعم واجب ديني. وتم توزيع منشورات ورقية بذلك.

المجندات من نساء الإخوان قاموا بترهيب كل من اعلنت عن رأيها بصراحة في التصويت بلا. وذلك عند مقرات الإستفتاء.

الجيش مكبر دماغه على الاخر ولايعنيه أي تحرش لفظي ضد من يقول لا.

انتشرت رسائل SMS بين الشباب بأن المسيحيين "الكفرة" هم من يريد التصويت بلا حتى يلغوا المادة 2 من الدستور.

تم الاعتداء على جميلة اسماعيل بإسوان من خلال مجموعة من راكبي الدراجات بذقون طويلة.

تم الاعتداء على البرادعي طبعا كما هو الحال في الخبر.

هناك مهازل عديدة حدثت مثل ان الموظفين بلجان الإستفتاء كانوا يصوتوا بدلا من الجهلاء بنعم وخلاص لأن نعم دي هي خير البلد.


الشيء الوحيد الإيجابي هو أنه هناك 40 مليون ناخب نزلوا وكانوا نازلين من أجل اعتقادهم بأنهم قادرين على التغيير، و لو شفتوا منظر الزحمة و الناس واقفة ازاي في الطوابير اللي منظمها العوام وليس الشرطة ولا الجيش، منظر مفرح فعلا! بتوع السوق كمان كانوا منظمين ومحدش كان بيدخل قبل حد ( في استثنائات بسيطة لبعض الشباب الصغير الاقل من 20)

الناس كلها نزلت بلا إستثناء ولاول مرة كل الناس تنزل لدرجة ان بعض القضاة ذهلوا مما يروه.

لحد الساعة 8 كان في ناس مصوتتش وكانوا عايزين يدخلوا اللجان يصوتوا ومعرفش القضاة سمحوا لهم ولالا.

في اكتر من 2000 قاضي منزلوش الانتخابات لاسباب غير معلومة حتى الأن.

الشعب المصري شعب عظيم لأنه ولاول مرة حس انه ليه لازمة و فعلا حسني كان هو اللي مموت الشعور الوطني للغلابة دول، ولكن لسة محتاجين وقت طويل جدا عشان العوام يعرفوا ان مصلحتهم مش مع الاخوان والسلفيين. دا مش هيجي في يوم وليلة و محتاج شغل جامد جدا من العلمانيين والليبراليين و ياريت نبطل نلطم ونبدأ نوعي الناس بالحقيقة.

طبعا لابد من عزف برضو بعض اللطميات الشيعية وتصوير ارهاب الاخوان والسلفيين ويتم نشره امام العالم حتى يعرف الناس انه الاخوان والسلف لن يتغير فكرهم ابداً.


كتبت هذه المشاركة على عجل جدا فالمعذرة لو هناك أي خطأ.

محدثكم من مقرات لجان جمهورية شبرا المتحدة .