قدام الشعب المصري الكتير والكتير عشان يعرف يعني اية ديمقراطية وكيفية ممارستها ، كلام احمد نظيف وعمر سليمان عن المصريين غير مستعدين للديمقراطية كلام مظبوط مليون في المية وابصم عليه بالعشرة واللى يقولك ان المصريين كان عندهم ديمقراطية وملوخية ايام الملك وقبل 1952 يبقى جاهل ومبيفهمش لان الشعب المصري كان شعب جاهل ديمقراطيا ومفيش الا حزب واحد هو اللى بيفوز في اي انتخابات بتحصل في البلد اسمه الوفد حتى انهم كانوا بيقولوا لو الوفد رشح بقرة في الانتخابات هتفوز فوز الوفد مش لانه عنده برنامج سياسي والحاجات الاوربية دي انما لانه في نظر الغوغاء المصريين مرتبط ببطل حارب الانجليز (في نظرهم اللى هو سعد) رغم ان مصر كان بها حزب زي الاحرار الدستوريين وحتى احزاب انشقت عن الوفد فيما بعد زي حزب السعديين والكتلة الوفدية وغيرهم برامجها اكثر وطنية وعصرية من الوفد
لكن المصريين اميين ديمقراطيين وكانوا بيقولوا نعم للوفد من غير ميفكروا

---

الحال نفسه بيتكرر المصريين هيقولوا نعم لاي حد عارفينه يعني واحد زي عمرو موسى مستعد ابصم بالعشرة ان هو اللى هيفوز ! لية ؟ لان المصريين يعرفوه في التلفزيون من زمان لما كان شعبولا بيغنيله رغم ان موسى لم يتجرا بمعارضة مبارك ولو للحظة واحدة قبل 25 يناير انما واحد زي البرادعي او ايمن نور وصباحي فدول المصريين مشفهومشي بالتلفزيون والبرادعي زي ماقالهم مبارك بنته بتلبس بكيني
اللي عنده امل ان مصر او شعبها يبقى شعب ديمقراطي يعصر على نفسه لمونة احسن