(04-26-2011, 11:41 AM)نبع الحياة كتب:  يا راجل بهزر معاك ... ايه رئيك ان - السلام على من اتبع الهدى - ( هدى ) جننتنى و جننت ناس قبلى كتير .

المهم : انت مش من مصر و الرسائل الى اقصدها مش حتقدر تجيبها .. طيب ارجع لمراجعهم بقى و عليك بمؤلفات
اونكل / حسن ظاظا ، اونكل / محمد خليفة حسن ، طنط / ليلى ابو المجد ، اونكل / سهيل زكار ، اونكل / صابر طعيمة ، اونكل / احمد حجازى السقا
اونكل / حسن الباش ... دول كتابتهم اسلامية .. مع ملاحظة ليس كل من تبنى المنهج الاسلامى في البحث يكون دليل ان ده راى الاسلام في موضوع البحث .. فربما راى الاسلام اوسع من خصوصية نظرة الباحث .

كتبهم متاحة على الشبكة ولو تحدد شئ خاص عيونى ليك راسلنى على الخاص او هنا .
بس على فكرة اغلبهم دراسات عبرية و الصراحة شغلهم في الفلسفة و الاديان بيفقعنى ، فرق كبير في بحث متخصص الفلسفة على علم بالعبرية من بحث متخصص لغة شم ريحة الفلسفة .

ما علينا : زى ما قالك ابونا ابراهيم و حبيبنا الحوت عليك بالمؤلفات الانجليزية ... و اذا كنت لسه فى بداية بحثك و معاك فترة سنة او 2 حسن لغتك الانجليزية ، و عيب اوى تشتغل في اليهودية و متعرفش عبري او على الاقل علي علم بيه باستعانة بمعجم بمعنى انك مش لازم تكون ممتاز المهم تقدر تبحث .
كمان حبيبنا الحوت ساعدنى هنا بموسوعة جوديكا

http://www.nadyelfikr.com/showthread.php?tid=37548

و حتلاقي لنكات اضافية لـ Jewish Encyclopedia مع ملاحظة انها قديمة

حفظك الله من كل شر اخي و يزيدك جنان في هدى