أول إشي اللاو حبيبي يجبر بخاطرك يا كوكو و يكتبلك بكل كلمة حسنة قادر يا كريم

حلمت حلم كتييييييييييييييييييييييييييييييييييييييييييييييييير بجنن
كانه مأخود من فيلم
كان فيه خيل و تلة
إنه أنا بكون رايحة لمكان بجنننننننننننننننننننننننننننننننننننننننننننننننننننننن ..
بكون رايحة أصور خيل
فبشوف الخيل بمنظر بيااااااااااااااااااااااخد العقل
بكونوا كم فرس وحدة بيضا و تنين أود و ناسية أكم وحدة بنية
و بكون وراهم مية (بحر يعني)
و البحر منظره مع الشمس إشي مو طبيعي قد ما هوي حلو
و الدنيي بتكون اول العصر
أنا بكون عم بتفرج عليهم بدي أصورهم من مكان مخفي بالتلة
و التلة بتجننننننننننننننننننننننننننننننننننن
إنه مو خضار كتير كتير
بس هيك واسعة و فيها شوية خضار
و أنا هيك بدي أصور بييجي واحد ما بعرفه كتير بقلي بس بدك تديري بالك يهيجوا إزا انتبهوا إنه فيه حدا لأنه هادي برية
و بعدين بقلي تعي تعي
بدي آخدك لمحل
شوية شوية بنزرق بدون ما يحسوا علينا هدولي الخيول
و يلا بوديني لمحل من التلة ملياااااااااااااااااااااااااااان لسا خيول أكتر
و نحنا بالطريق بكون ماسكة إيده لهادا البني آدم و بحس كإني بحبه حتى مو بس بشنقل فيه كمان بشلبك أصابعنا ببعض و بحضن إيده
بس هوي بكون مو معبرني و بعاملني كأني أخته الزغيرة و كأنه بعلمني بس
المهم هلا بنسير نطلع لفوق التلة و الخيول عم ترعى ورانا
فبكون هوي ماسك شغلة ملمسها بين الخشب و الجلد و بقلي شوفي هلأ شو رح يسير
المهم بحطها عالأرض و هيي بطلع صوت خفيف
و يلا ما بلاقيلك غير الخير صارت تترك المرعى و تيجي لعنده
كللللللللللللللللللللللللللللللللها
بقلي شغلة قال : "شفتي كيف بتحس بتأنيب الضمير!"قصده عن الخيل
بعدين بوديني عند شجرة ضخمة تحتيها مرجوحة
و بكون هناك شب أزغر مني بشوية و صبية
أنا بكون عم بتمرجح
و بسمع هيك طراطيش حكي من اللي بيحكوه
بس بعدين بروحوا هوي و الصبية و بنضل انا و هداك الشبيب
المهم بقعد يحكي معي حكي متل الجكار بس مزح .. و بكون حاسيته ميال إلي و بتفرج عليي باهتمام و هيك نظرات برييييييييييييييئة بس أنا بكون حابة صحبته بس مو ميالة إله
بعدين بنقعد نتمشى بمحل
و بتيجي سحلية خضرا فأنا بخاف و بسير أنط
و هوي بقعد يضحك
بقلي إزا بضلي تنطوطي بتضل تلحقك
فاهدي إزا بدك تروح
و بسسسسسسسسسسسسسس خلص الحلم


للأمانة العلمية كوكو نقلتلك إياها عن المسنجر لأنه تكاسلت أعيد الحكي مرة تانية

بس جد فقت كتييييييييييييييييييييييير مبسوطة من منظر الخيل و التلة الحلوة و صار عندي فضول فضولي أعرف شو معناة الخيل!

على كلن هلأ بشوف!.. بس بعد "أتكسف" اللاو حبيبي يستر!