والله يا شباب رغم كل الدماء التي سالت الا ان هذه الثورة جمعتنا وقربت قلوب الناس بشكل كبير , المنطقة الشرقية-الشمالية كان يسود فيها مشكلة اثنية بين
العرب والاكراد منذ عدة سنوات (انعكست حتى بكرة القدم !), اليوم الناس تصرخ باعلى صوتها : آزادي! آزادي ! , ولما الناس تعرف انو فلان كردي اوالعكس
ا بيصيروا يبوسوه ويحيوه بشكل عفوي
هالثورة نظفت القلوب واظهرت معدن المواطن الاصيل , الشباب بيحكولي شغلات عجيبة وكأن البلد كانت ميته ورجعت الها الروح ..
هذا النظام وعلى مدى اربعه عقود افسد الناس وافسد الاجواء وشحنها بكل ماهو سلبي حتى ان البعض كان يقول بشيء من السخرية بانه كمواطن سوري مستعد
لمبادلة جواز سفره باي جنسية افريقية (من باب الكوميديا السوداء ) لكن اليوم بتلاقي الناس عندها امل اكثر وبتحب البلد اكثر وتعتز بسوريتها اكثر
هالنظام هو السرطان المستشري بالبدن وهو المسؤول عن كل المشاكل بهذا البلد , مش بيقولوا الراعي مسؤول عن رعيته فهما مسؤولين ..
لاحدا يقول غيروا مافي انفسكم ومابعرف شو , هالنظام ماسك البلد من الراس لاخمص القدمين ومش تارك فرصة لاي حدا ..
الخلاص من هذه العصابة المسحلة اصبح امر لاجدال فيه وان كنا نتجادل في الاساليب لكن الهدف واحد ..