اولا انا ما عم اشمت ومش من عادتي اشمت بحدا
في شي اسمو فن النكتة السياسية القادرة على نقل الواقع الموضوعي بتجرد كما هو دون مجاملة طرف على حساب طرف ومن دون (بديكور ومنيكور) وبدون احسنت بارك الله بك والى الامام دعه يمر دعه يقاتل دعه يتظاهر او دعه يقمع دار دار زنقة زنقة
انا شخصيا ولتذكير الاخوة والزملاء المتقدمين (تبع الف مشاركة وما فوق مش تبع عشر مشاركات وعاملي فيها ثورجي) كنت انكت تاني يوم قصف الاسرائيلي لي منزلي ومنزل اهلي وجعله ركاما ومع ذلك كنت انكت على الاسرائيلي وعلى حزب الله وعلى الدولة اللبنانية
هلق يمكن ينطلي واحد ويقلي عم تساوي بين الضحية والجلاد
اي يلعن حظ هيك ضحية على هيك جلاد التنين مسلحين وعم بطخو على بعض
شو هالثورة الشعبية السلمية المسلحة المدعومة من اوباما والحريري
والرئيس الاسد عامل متل شيخ الصلحة بين المواطنين واصحاب الروس العتيقة اليابسة بالنظام
على شو يا ريس تاركهم ؟
بس في شي مش عم اقدر اهضمو بالمشهد السوري ولى هالشراسة بين المواطنين والطائفية البغيضة وين كانت مخباية بشرفي انتو جمعتو التعتير من اطرافه وتناولتم الفتنة من الثريا
لا خليتو لبناني بطائفيته ونفاقه يعتب عليكم
لا خليتو اجرام عراقي مستورد يسبقكم
ولا خليتو جنون ليبي يلومكم تهويشا على الفضائيات
ليش انتو خليتو فوضى خلاقة ما عم تجربوها كل جمعة
يا خوفي بكرا تخسروا لي عم تتقاتلو عليه ويصير الوطن اوطان مقسمة بحسب رغبة اولياء الله الصالحين في واشنطن وتل ابيب
صحيح النظام معفن وبدو اصلاح وتطهير من كعب الدست
بس انتو يا جماعة المعارضة (المسلحة) صار فيكم متل لي اجا يعلم الحمار الحكي لا الحمار تعلم الحكي وصاحبنا صار ينهق
الله حرية وسوريا وبس
الشعب يريد لبن العصفور
ابنك حمار يا ثريا
سوري ومفكر حالو ليبي يا ثريا