يا عاشق ياحبيبي انا واحد من الناس منزلتش في جمعة الغضب الأولى وانت عارف كدا. وذلك لأني مكنتش متضرر في حاجة مما يحدث في البلد بإستثناء القرف اليومي في التعامل مع الامن والزحمة ورغيف العيش الخ ولم اكن مستعدا لاعتقل او لاقتل من اجل سواد عيون الشعب المصري العظيم اللي 99% منه مرتشي و امنية حياتهم يبقو تجار مخدرات ... كذلك لأني كنت بقبض مرتبي و بتدلع وبتفسح وباكل وبشرب كويس و لم اكن اشعر بالخوف على عائلتي ولذلك لم اكن في حاجة لتضييع مستقبلي ونفسي.

اما الان فالوضع مختلف و انا ارى اننا في كارثة حقيقية، مش مهم مين وقعنا في الكارثة دي هل هي الثورة ام هو الجيش ام العفاريت الزرق، المهم اننا الان في حالة سيئة جداً وتحتاج لتعديل وتبديل في اسرع وقت، هتقولي الجيش هيمشي هقولك يمشي ولا يولع...مفيش حاجة أسوأ اصلا من الوضع الحالي و كفاية اوي الانفلات الامني و توقف اعمال الاستثمارات الاجنبية و وجود مافيات اسلامية تحرق الكنائس وتهدد الامن العام تحت اعين الجيش

احنا نازلين بكرة ياعاشق ياخويا مش لاننا شايفين ان الثورة الاولى نجحت وهنكمل المسيرة، ولكن لان الوضع زفتتتتتتت ولابد من الضغط لإصلاحه

ادعي بس درجة الحرارة متكنش مرتفعة اوي لاني ساعتها هبيعهم في أول تاكسي مكيف