(05-30-2011, 12:58 AM)بنى آدم كتب:  عاشق .. إنت بتتكلم جد ولا بتغيط أحمد وخلاص ؟
لو بتتكلم جد تبقى مشكلة كبيرة

يعنى إنت مش شايف ولا حاسس بالتحالف الشيطانى بين الإخوان والمجلس ؟
مش شايف الثبات فى كل شىء والتغيير فقط لرموز لا تقدم أوتؤخر ؟
مش شايف الشرطة بفاسديها تذل الناس بكلمة " خلوا الثورة تنفعكم " ؟

وهغيظ أحمد ليه ياعم ! هو احنا هنا فى روضه أطفال؟

أنت اللى مش معانا من بدرى وزياراتك للنادى قليله , واللى أنت بتقوله ده أنا أتنبح صوتى وأنا بقوله منذ قيام الثوره , قلت مليون مره أنه لم يتغير شىء منذ قيام الثوره ولن يتغير , قلت ألف مره أن القضيه ليست مبارك ولا نظامه , القضيه هى شعب مصر نفسه , ماذا تنتظر من المجلس العسكرى أو المجلس الرئاسى المدنى أو حتى رئيس منتخب وكلهم فى النهايه مصريين ؟

الجيش هو اللى بيحكم حاليا , وقد تم تفكيك النظام السابق واحاله جميع أركانه ورموزه الى سجن المزرعه وجاءت قيادات جديده , والأوضاع كماهى من سىء الى أسوأ , فماهو الحل ؟ تغيير الحكومه الحاليه وتسليم السلطه الى مجلس رئاسى مدنى ؟ لن يتغير شىء وستظل الأمور تنحدر الى الأسوأ , ومش بعيد فى النهايه نصل الى مرحله الحرب الأهليه فى ظل عدم التوافق السياسى وتمسك كل طرف أو تيار برأيه وموقفه مع عدم وجود قبضه أمنيه حديديه تضبط الأمور وتضع كل شخص عند حجمه ومقامه .

الأوضاع الحاليه أثبتت لى أن موقفى منذ منتصف تلك الثوره كان موقف سليم تماما , كان يجب أن يبقى مبارك حتى انتهاء فتره ولايته مع اصلاحات دستوريه جذريه وتسليم السلطه بشكل طبيعى الى رئيس منتخب حتى يتم الحفاظ على أركان الدوله ومؤسساتها , أنا لم يكن لى مشكله مع نظام ميارك سوى قضيه التوريث وعدم وجود عداله اجتماعيه , فمبارك لم يكن فاسد وحرامى قبل الثوره , وسبحان مغير الأحوال بعدها أتضح أن مبارك هو ابليس الذى حدثتنا عنه الأديان السماويه , على الأقل كان حايش عننا بهايم السلفيه ويحاصر الاخوان .

ماحدث ويحدث الأن من فوضى وتخبط هو بسبب تنحى مبارك واسقاط نظامه دون تجهيز بديل يقوم باستلام السلطه بشكل دستورى وشرعى , وأنا وملايين غيرى لسنا على استعداد لأن ننتظر عشر سنوات حتى تتحسن الأوضاع وتعود الى ما كانت عليه أيام مبارك , فى تلك السنوات سيموت الملايين من الجوع والفقر والمرض , وفى ظل المعدلات الحاليه للزياده السكانيه فقد نصبح 120 مليون لتزداد الأوضاع سوءا , وساعتها محدش عارف البلد دى هيكون شكلها ايه .

الخلاصه أنه ولكى نشعر بتحسن فلابد من الاستقرار , سيبوا الناس اللى أنتوا اختارتوهم وفرحتوا وطبلتوا وزمرتوا لوجودهم وحملتوهم على أعناقكم يشوفوا شغلهم , أنا واحد من الناس حتى الأن معنديش مشكله مع الحكومه أو المجلس العسكرى سوى غياب الأمن وعدم الاستقرار والذى يؤدى بدوره الى هروب الاستثمارات ووجود حاله من الركود والكساد تنعكس على الشارع المصرى بشكل عام , يعنى تخيل وأنا قاعد النهارده فى سنتر خدمات المحمول بتاعى دخلت امرأه شابه تحمل على ذراعها طفل صغير يصرخ لتبيع تليفونها المحمول بمبلغ 60 جنيه حتى تستطيع الكشف عليه عند طبيب وشراء الدواء له , وعلمت منها أن زوجها عامل باليوميه فى مجال المعمار وهو لايجد عمل الأن .

ارحموا الناس والا الناس مش هتسيبكم صدقنى .