اقتباس:الخلاصه أنه ولكى نشعر بتحسن فلابد من الاستقرار , سيبوا الناس اللى أنتوا اختارتوهم وفرحتوا وطبلتوا وزمرتوا لوجودهم وحملتوهم على أعناقكم يشوفوا شغلهم , أنا واحد من الناس حتى الأن معنديش مشكله مع الحكومه أو المجلس العسكرى سوى غياب الأمن وعدم الاستقرار والذى يؤدى بدوره الى هروب الاستثمارات ووجود حاله من الركود والكساد تنعكس على الشارع المصرى بشكل عام , يعنى تخيل وأنا قاعد النهارده فى سنتر خدمات المحمول بتاعى دخلت امرأه شابه تحمل على ذراعها طفل صغير يصرخ لتبيع تليفونها المحمول بمبلغ 60 جنيه حتى تستطيع الكشف عليه عند طبيب وشراء الدواء له , وعلمت منها أن زوجها عامل باليوميه فى مجال المعمار وهو لايجد عمل الأن .

ارحموا الناس والا الناس مش هتسيبكم صدقنى .

طيب أنا لا اعتقد ان هناك خلاف اصلا. بل أنى انا شخصيا كنت متخوف من العمال المؤقتة والناس اللى بترزق يوم بيوم هيعملوا ايه اذا استمر الوضع على هذا الحال. لكن هل المظاهرات هى السبب ؟ هل الناس بتنزل التحرير وتعتصم وتقفل الميدان وتقولك هنوقف البلد اذا لم يحدث كيت وكيت. المشكلة الحقيقة الأن هو الأمن , الداخلية حتى هذه اللحظة غير راغبة فى العودة الى الشارع بنفس القوة التى كانت عليها - هل كتيبة شرطة مسلحة فيها على الاقل ثلاثة ضباط وخمسة أمناء شرطة وعشرة أمن مركزى مزوديين بسلاح تتحرك مع بعض , حد هيقدر يقترب منها ؟

غياب الأستقرار فى الشارع الأن مصدره الرئيسى هو غياب السيطرة الكاملة للأمن , وسيطرة الأمن لن تعود الا بأبتزاز أكبر كمية منافع للضباط والضغط على يد رئيس الوزارة والمجلس العسكرى حتى يتحقق لهم ما يريدوه - اما حمايتهم من الأعلام او تعذيب المتهمين او او او. فالقضية هنا لها علاقة مباشرة بالأمن وليس المظاهرات.

فى الدول الأوروبية وامريكا تجد المظاهرات شغالة كل يوم وللأسباب مختلفة - وبيقفلوا شوارع رئيسية والبوليس واقف ورائهم بيحمى المبنى فقط - مثلا البرلمان او سفارة - ولا تتوقف الحياة ولا يختفى الضباط من الشوارع كما يحدث عندنا. فيه بلدان فى اوروبا عندها يوم فى السنة بيخرجوا فيها بيحتفلوا بالأستقلال ويمشوا فى شئ يشبه المظاهرات - ومفيش حد برضه من الأمن بيختفى.

مبارك هو مجرد تراكم من تراكمات ثورة يوليو , وما حدث فى مصر من تشويه للعقول المصريين والأمية السياسية والتعليمية والحضارية والمعيشية التى نحيئ فيها الأن لا يمكن ان تنصلح فى يوم وليلة. ولا تتوقع ان تتغير الأشياء بتلك السرعة - حيث هتبقى الاكراميات والرشاوى كما هى. لكن هذا ما يجب ان تقوم الثورة بأكمله وأعادة البناء. انت بتتكلم عن عدم وجود بديل , هو فيه حد كان متوقع اصلا اننا نوصل للى وصلنا فيه - يا رجل دى كانت مظاهرة قلبت بثورة...

عموما, نحن لا نختلف كثيرا جدا - بالعكس رؤيتنا تكاد تكون متطابقة سواء من ناحية النوايا او حتى الأهداف - احنا بس مختلفين على الوسائل.