(05-30-2011, 06:36 PM)الحكيم الرائى كتب:  المجلس وانا شخصيا اقول بعض أعضاؤه اللى عاملين ابو العريف ,تورطوا فى صفقة مع الأخوان بشكل ما,والفضيحة بقت بجلاجل فى البلد كلها,فضيحة اعضاء المجلس اللى باعوا البلد للاخوان وفضيحة الأخوان اللى باعوا الثورة فى أول منعطف.

ياعم الحكيم الله يرضى عليك فهمنى واحده واحده علشان أنا راجل محدود الفكر ومش قدك , فهمنى ما الذى يحمل المجلس العسكرى على عقد صفقه مع الاخوان ؟ يعنى أنا فكرى المحدود بيصورلى أن رفع الحظر عن جماعه الاخوان كجماعه دينيه تخلط الدين بالسياسه فى محاوله للوصول للحكم ده فى حد ذاته كرم كبير من المجلس العسكرى تجاههم , وهو ليس مضطرا لعقد صفقه معهم , اذ يكفى أن يشرف المجلس على انتخابات برلمانيه حره ونزيهه , اذا فاز الاخوان بأغلبيه مقاعد البرلمان سواء كان ذلك عن طريق القائمه النسبيه أو كمستقلين يبقوا فعلا لهم حضور قوى وطاغى والمجلس العسكرى أكرمهم وعمل معاهم الواجب حتى حصلوا على حقوقهم , أما لو أنهم لم يحصلوا على الأغلبيه وأتضح أنهم لا يمثلون سوى 20% على أقصى تقدير يبقى انكشفوا وظهر حضورهم وقوتهم الحقيقيه ويبقى المجلس لم يتورط معهم .

يعنى حد يفهمنى ويرد على السؤال اللى سأله الزميل بنى أدم : هو المجلس العسكرى بيعمل كده ليه؟ وماهو شكل تلك الصفقه التى يمكن أن يعقدها مع الاخوان وماهى ملامحها ؟ ايه المكاسب اللى هيحققها من وراها ؟ وهل لو وصل الاخوان للحكم فى ظل نظام برلمانى أو حتى رئاسى , هل تضمن قيادات الجيش أن تبقى فى مواقعها وألا يقصيهم الاخوان لحساب كوادر وقيادات أخرى اخوانيه ؟