الناس بالدول اللي متل أوكرانيا يا حكيم لما تمسك الإسلام جد بدك تخاف منها لأنه هدولي بيخلصوله إخلاص أعمى .. بقدر أفهم نفسياتهم كتير منيح لأنه اختلطت بناس بيشبهوهم كتير
و بلا ما أروح لبعيد .. بمجتمعي لسا لحد هلأ بينفخوا راسنا بسولافة إنا هاجرنا لهون مشان الدين يعني مسدقين كزبة صارلها 60000 سنة
كتير بعرف ناس عن جد من غير الدين ما في أحلى من هيك بس لما تيجي لقصة الدين بكون مستعد يساوي أيا إشي ..هادا و كتير مرات بكونوا متعلمين.. فبدولة متل أوكرانيا مو غريب أبداً يسير هيك إشي ..الدين لما يتمكن من قلب فاضي و لا في ألعن منه
في ناس منهم حتى ما بكون ماسك الدين مزبوط بس لما تيجي لهيك قصص بطق عرق براسه و بسير ألعن من أشيخ شيخ
و لسا بينهم و بين بعض بتلاقي في حزازات .. متل ما صار بحرب الشيشان مثلاً لما كانوا الزعامات إشي سلفية إشي صوفية
الأديان اللي بسموها "سماوية" كلها بتجيب الخراب بس متل الخراب اللي بجيبه الإسلام جد ما شفت
مو بس كاتيا حياتها راحت .. كتير ناس مقبورين بالحيا بسبب الإسلام بالذات لما تكون جواته نفسية حرة و عنده عقل بفكر

(06-01-2011, 01:14 AM)Dr.xXxXx كتب:  نكرر، هذا التصرف ليس حسب الشريعة... ورغم ان هذا التصرف يحتسب على الاسلام في ثقافتهم، الا ان النظرة في النادي بالذات يجب ان تكون شمولية اكثر,

(06-01-2011, 02:28 AM)Dr.xXxXx كتب:  الزميل بني ادم.

نقطة نقطة.
اولاً، التصرف منافٍ للشريعة، فالرجم للمحصن الذي يزني، وتنفيذ الحكم يكون لولي الامر بعد ادلاء اربع شهود عدول شهادتهم، وكما نلاحظ فكل هذه الشروط معدومة..

ثانياً، الفوزان لا يطلب من الزميل قتل زميله، بل يعرض الحكم حسب الشريعة، وتنفيذ الحكم مشروط ايضاً بأن لا يكون القتل بيد من هب ودب، فالعقوبات تسنها المحاكم.

ثالثاً، دعوتك للخروج بمظاهرات وتنديدات هي جوفاء، ليس عيباً في الدعوة نفسها انما فيمن تدعوه... كثيرة هي الفتاوى التي تخرج بهذا السياق وأشد، ومن المستحيل الخروج بمظاهرات واستنكارات رداً على كل فتوى، خاصة وان هؤلاء هم الرأس، يعني ان فتواهم هي سن قانون من وجهة نظر وعليه فالشعب مُدرج تحت هذه القوانين.

أولاً أنا معك إنه التصرف هادا مو حسب الشريعة و معك برضه بإنه بالإسلام تطبيق الحدود بكون عن طريق "ولاة أمور المسلمين"
بس السؤال هوي يا ترى الحدود الإسلامية - بشروطها- إنسانية؟ إنت كبني آدم بتتقبل نفسياً قطع إيد سراق أو رجم واحد ؟ و هون عم بحكي عن رجم اللي بخون و هوي متجوز ..و أنا ما عم بدافع عن اللي بخون بالعكس بحس إنه اللي بخون متجوز أو لأ عيونه بدهم خلع .. بس إزا تنين مو متجوزين و صار بيناتهم علاقة بالتراضي و التنين عاقلين بالغين راشدين مين أنا و إنت لحتى نتدخل فيهم لأ و نقبل إنه ينجلدوا كمان! رح ترجع تقلي إنه اللي بعيدين عن العيون الله يسهل عليهم أما اللي عيني عينك الله لا يردهم.. طيب افرض إنهم كانوا بالشارع و حضنوا بعض ولا باسوا بعض مثلاً هون شو الحكم يا ترى؟ تعزير؟! و بعدين مين أنا و إنت لحتى نتدخل فيهم!

يا دكتور الأغلاط اللي بتسير بهالدنيي ما بتتصلح عن طريق أحكام سادية متل هادي .. بتتصلح بعقوبات متل السجن و الغرامات
بتعرف الفكرة بتشبه شو؟ بتشبه الشيوعية كتير.. هلأ الشيوعية كمبدأ -بغض النظر عن التطبيقات الغلط اللي صارت- هيي فكرة رومانسية حلوة بس مو واقعية بالمرة لأنها مو شغل البني آدمين هلأ.. لأنه لو في إله خلق هالكون فهيي كانت وظيفته أول ما خلق الأشياء ..يعني كان مفروض فيه هوي نفسه يخلي الناس متل بعض ..أما إنه يجيلي نظام هلأ و يحاول يخلي الناس متل بعض فهادا ما رح يكون أكتر من تضييع وقت و رح يجيب خراب أكتر من فوائده اللي بنستناها هادا إزا قدر يجيب فوائد أصلاً..و نفس الإشي بالنسبة لهالأحكام السادية اللي عندكم بالإسلام .. اللي بيسرق باخده و بسجنه بس لا شغلي و لا شغلك نقطع إيديه و نخلع عينيه و نطبشه

بتعرف مرات كتيرة بستغرب من رجال درويش قدر يربي ولاده عالبساطة و عالفطرة السليمة الطيبة و مخه ما تقبل هالشغلات السادية بينما في ناس مفروض إنها متعلمة و دخلت جامعات و شافت دنيي بتدافع عن هالأشياء اللي أبعد ما تكون عن الإنسانية.. ما بعرف هالقد ممكن الإخلاص يكون أعمى؟ و يا ترى لما حدا يدافع عن هيك شغلات بكون عم يدافع عنها بقناعة و لا لأنه بشوف بدفاعه عنها انتصار لذاته؟ لأنه جد بقدر أقدر إنه الإنسان مرات بيمشي ورا قناعاته بس ما بقدر أتخيل أبداً إنه لو عاد النظر بهيك "قناعات" ممكن يتقبلها نفسياً و يكون سوي.. يعني قد ما كان هالسراق فيو عيوب الدنيي في إشي ممكن يخليني كبني آدم سوي أقبل إنه تنقطع إيده!!!!