(06-05-2011, 06:07 PM)الجوكر كتب:  عزيزتي بعيداً عن الاديان والاعراف العربيه

لماذا تعتبرين المهر شراء للمرأه ؟
نارينا

شلون يعني أتزوج بالنيه وخلاص !! آخذ المره واروح معاها وخلاص !! شلووووون أسكن بالشارع يعني؟؟ وبعدين أن ماخذها ليله او ليلتين وبعدها بح !! شو هالفلم التعيس هاد ؟

المفروض يكون محظر حاله لان هالانسانه الماخذها تبي تعيش معاه مابقى من عمرها وتبي استقرار وتبي اطفال , وهذا لازمو ادوات كثير وهالادوات ماتنزل من السما !! وكلو محصل بعضو, يعني بفلوس

والرجال مودافع فلوس مشان يشتري معزه لاااااااااا , هو دافع لكماليات المره وهيك شغلات تحتاجها مشان الفرح ومافيها مشكلها بنوب اذا كان الفرح متواضع والامور على قد الحال وهي هالمخلوقه اذا بتعرف تتصرف بتشتري من غير انانيه وتفكر انو هالمسأله راجعه لهم اثنينهم !! أما إذا كان الزلمه أجدب ومو كفو بنت الناس أي الزواجه ملازم اتم

شكلين مابحكي عاجبك والا مع السلامه .. فاهمه يانارينا شوقلتي

جوكر يا جوكر
شو المانع إنه هيي ما تاخد مهر بس بنفس الوقت يتساعدوا بتجهيز البيت و يخلوه 100 فل و 14؟ وين المشكلة؟!
يا جوكر إزا بحبوا بعض همي التنين لازم يدللوا بعض يعني هالإشي لا بنقص من رجولته و لا من أنوثتها! و بعدين زمن أول حول بصراحة.. يعني لحتى هيي تضل بصورة "الدلولة" لازم يكون اللي بدو ياخدها كتير مرتاح هالأيام و هادا الإشي مو واقعي بحياة أغلب الناس.. الأغلبية اليوم عم يراكضوا مراكضة و مو ملحقين .. هادا من ناحية.. من ناحية تانية كل ما خففوا من الشكليات كل ما همي نفسهم ارتاحوا .. يعني باللاوي هلأ لما يتسكر عليهم بابهم و يلاقوا حالهم مع ديناتهم مين بدو يسأل فيهم؟! خصوصي إزا أهلهم وضعهم المادي كمان ما بساعد! وأيا أحسن ياكلوا هم تجهيزات البيت و "المهر" و لا يا كلوا هم البيت لحاله
بتعرف جوكر .. عن جد ما بدي أكون مثالية كتير.. المصاري جد مهمة بس مهمة من ناحية "هين فلوسك و لا تهين ناموسك" يعني بس وسيلة لحتى ما تنحط بمواقف بايخة بالمستقبل لأنه متل ما في ناس منيحة بهالدنيي مليان ناس حقرا كمان .. بس سدقني لما تيجي الفلوس ما بتحس بهداك الفرق الكتير كتير كبير -مع إنه بجوز تدلل حالك بكتير شغلات- لأنه نحنا كبشر احتياجاتنا الأساسية وحدة
شو ما اختلف وضعنا.. عم بحكيلك عن تجربة لأني جربت أكتر من وضع مادي
و العرس كل ما كان زغير و مكنكن كل ما كان أحلى .. و اللاوي تلت ترباع الناس اللي بييجوا عالعرس ما إلهم لزوم (على مستويات كتيرة)
حياتنا فيها اللي مخليها معجوقة خلقة يا جوكر و مو ناقصنا هالأشياء تعجقها بزيادة
بس عن جد بدي أزعل منك! شو "مرة" هادي!!! يا اللاو لا تتخيل قديه بكره هالكلمة! عن جد بزعل منك زعلاً زعيلاً إزا بتعيدها مرة تانية
و هي أغنية لحبيبة قلبي بهالمناسبة

(06-05-2011, 06:08 PM)كمبيوترجي كتب:  

(06-05-2011, 05:52 PM)Narina كتب:  أنا عن حالي مستحيل أقبل على حالي آخد مهر .. أنا مو غنمة

تتجوزيني يا اسمك ايه؟

و اللاوي يا عبود متل ما قلتلك مرة عالمسنجر إنت قطقوط مقطقط بعدين أنا بحب الأزغر مني
بس هلأ أنا قلبي مكسور من النوابلسة
حبيت واحد نابلسي و بعدين حلقلي و تركني قبل امتحانات الفاينل بكم يوم
حتى الكنافة بطلت تيجي على بالي متل الأول