(06-05-2011, 08:25 PM)الجوكر كتب:  حقك علي يانارينا

بس الواحد يشرب القهوه على مزاجه

عم بمزح معك يا أبو الجواكير(إن شاء اللاو ما يطلع إلها معنى هيك أو هيك بس )
جوكر معلش تحسب حسابي بفنيجن لأنه و اللاوي شايي زاكي بس قهوتي ما بتنشرب

(06-05-2011, 10:01 PM)كمبيوترجي كتب:  

(06-05-2011, 07:09 PM)Narina كتب:  و اللاوي يا عبود متل ما قلتلك مرة عالمسنجر إنت قطقوط مقطقط بعدين أنا بحب الأزغر مني
بس هلأ أنا قلبي مكسور من النوابلسة
حبيت واحد نابلسي و بعدين حلقلي و تركني قبل امتحانات الفاينل بكم يوم
حتى الكنافة بطلت تيجي على بالي متل الأول

انتي بطلتي تطلعي عالمسنجر ليه صحيح؟
بعدين أنا مش نابلسي، أنا من قضاء نابلس وشتاااااااااااااااااااااااااااان بين هذا و "هظاك"

قرب خليني أوشوشك

(06-05-2011, 10:37 PM)Dr.xXxXx كتب:  

اقتباس:أصلاً منطقياً إزا فكرنا شو دخل الجيزة بال"مهر"؟ يعني إزا تنين بدهم يعيشوا مع بعض شو الداعي إنه "يشتريها"؟

اذا بدك تيجي للمنطق، فالاولى تسألي ليش الجحش لحالو ببني البيت مع انو الاثنين بدهم يسكنو فيه؟؟ عنّا الزلمي بشتغل وببني وبلتعن اساس اهلو مشان يجهز "العش" وبتيجي ست الحسن "تشاركه" بحياته...
منطقياً كل حياتنا غلط مش بس المهر -على فكرة عنا المهر 100 شيقل يعني حوالي 20 دينار بس المؤخر مصيبة

اقتباس:أنا عن حالي مستحيل أقبل على حالي آخد مهر .. أنا مو غنمة

لما الواحد يشتري غنمة بدفع لصاحب الغنمة مش للغنمة نفسها.

بتعرف دكتور .. كتير ناس ما بطيقوك هون بس و اللاوي أنا عزيتك ما بعرف ليه!
عن جد عم بحكي ما عم بمزح
أما بالنسبة للعش فأنا يا دكتور قلت التنين لازم يجهزوا مع بعض
و بالنسبة للمهر ..نحنا كمان عنا المهر 150 دينار مقدم و 300 مؤخر .. بس إن شاء اللاو كان فلس أحمر واحد ما بدي إياه ما بدي إياااااااااااااااااااااااااااااااااااااااااااااااااااااااااااااااااه

دكتور بهديك أغنية إيدي بإيدك نبني بلادنا عربون صداقة بس ما عم بلاقيها للأسف لقيت وحدة عاليوتيوب بس طلعت مغشوشة