(06-08-2011, 12:15 PM)حائر حر كتب:  تعال على الاردن وشوف التحديق على اصوله

يعني يا ويلك اذا كنت ماشي مع انثى سواء كانت زوجتك او قريبتك ,اتحدى وجود اي بلد عربي ينافسنا في هذا المجال

فعلا شغلة بتقهر

لووووووول حائر
أنا بكيف و أنا براقب سواقين التكاسي مرات لما يقعدوا يبحلقوا بالبنات و أحلى إشي لما تكون الدنيي الصبح و مشغلك قرآن و ببصبص! يعني هالطماع يخرب فنه بدو استفتاحية عالجهتين!
بس جد أنا بكيف و أنا براقب حركاتهم .. بحب أساوي إحصائيات بمخي للأشياء اللي بيتفرجوا عليها أكتر إشي و جد غريب قديه بيتقاطعوا بشغلات!
طبعاً نحنا عم نحكي عن السواق المؤدب اللي بشغل عيونه برات التاكسي..أما في منهم كمان متل المنشار اللاو حبيبي وكيلك ما بخلي لا جوة و لا برة!
برضه كتير حلو مرات لما تراقب الشباب الزغار بالجامعة لما يصفروا و يخضروا و يحمروا لما بنت قطقوطة تمرق من قدامهم (هدولي طبعاً اللي شوية عرق الحيا مو طاقق عندهم) ..أما هدولاك اللي بكونوا بدهم يدخلوا جوات تمك كمان شوية اللاوم عافينا هيك بتحس بتقالة دم مو طبيعية على ثقة زيادة عن اللزوم غالباً بتكون بغير محلها بخلوك تحس إنك بدك تضربه بالشنتة بنص صباحه !