لك يا علي بتظل تكررلي هالمظاهرة اللي طلعت لمرة ولم تتكرر تأييداً، وشرحتها لك وأعيد شرحها

هاي كانت مظاهرة منظمة، كان أغلبها بالغصب من المدارس، وأنا شفتها وبعرف كثير ممن فيها، طلبوا من طلاب الثانويات يطلعوا لابسين مدني وأجبروا موظفين يطلعوا .. والذين كانوا يهتفون كانوا من الأمن أو أهالي الضباط.
حاولوا يطلعوا مظاهرة ثانية بعديها بشهر وفشلوا وأعلنوا إلغاء المظاهرة.

طيب إذا لهم مؤيدين فعلاً، ليش ما طلعوا بمظاهرة وحدة مؤيدة ثانية؟؟؟ فكر وحكّم عقلك يا صاحبي.
ما بنقول مافي ولا مؤيد، ولكنهم أقلية بسوريا. واليوم لا يستطيعون بالتخويف إخراج مظاهرة واحدة من ألف شخص في دمشق.
ما رح كون مثل الكذابين من الإعلام السوري وقول مافي نسبة من المؤيدين .. في نسبة ونسبة منيحة، ولكني لا أعتقد أنهم يتجاوزون 20 بالمائة من الشعب السوري. ولن نعرف النسبة الحقيقة إلا بعد سقوط هذا النظام الدموي الأمني، وعندما يستطيع الناس الحديث والتعبير بشكل حر.

تحياتي.