يا راجل حتي السعوديه حاملة اللواء طلع منها واحد زي عبد الله القصيمي ,,
اما مصر فاقصي ما خرج منها وعلي حرج هم طه حسين واخيرا سيد القمني الي كل ما يطلع علي الشاشه لازم يحلف يمين
طلاق بالثلاثه انه مسلم وبيحب الاسلام بكل رموزه من اول الكابتن المؤسس لغاية كابتن حويني اعلم من في الارض ...
ونصر ابو زيد الي بعد ما كفروه وطلقوه من مراته وبهدلوه احلي بهدله رايح بعد ما وصل هولندا بنفس عقلية لاعيبة الكوره التعبانيين
يسجد لله شكرا ويقول انا مسلم برضه برغم كل الاستعباط الي قاله وفلسفة التأويل وخلاصة فكره بتاعت بشرية النص الخ !!
ولا السياسيين بتوعنا كل واحد يقولك انا علماني وليبرالي ويساري وبتنجان , ولما يطلع علي التلفزيون مع واحد اخوانجي ولا سلفي
يقعد يتمايع ويلف ويدور ويقلك انا مش ضد الشريعه ومعاه ومع الماده التانيه بس براحه علينا وبشويش بشويش وشغل التيت ده
نوال السعداوي هي نموذجنا المصري الاقرب لتسليمه نسرين , بس برضه مش واضحه وصريحه في مواقفها رغم انها صرحت مره
في برنامج بدون رقابه انها تميل الي الشك وتفضله يعني شكوكيه يعني , برغم انها عايشه في اوروبا لكن مش عارف ليه مخبيه موقفها !