إقتباس الجزء المهم حسب رأيي من مداخلة لزميلة سورية مهتمة نسبيا بالأحداث


[quote name='a' timestamp='1308472824' post='199417']

هلا كان في مسيرة لرفع أكبر علم سوري ما بعرف إذا شفتوها و خاصة أنو الجزيرة و العربية و ال بي بي سي و الجزيرة مباشر دوبك عرضتو مع أنو الشباب كانو نازلين من الساعة عشرة و لبعد الضهر ,و انا من كتر السذاجة قاعدة قول هلا بتعرض الجزيرة شي هلا بتحكي العربية شي , بس عبث , هلا صارت عينك عينك عم يتحدوا النظام السوري .بس خليون يتحدوا رح ينكسر راسون بالأخير
آآآ بالمناسبة للمتشدقين أنو وسائل الإعلام ما عم تصور . للعلم حبايبي دعت السلطات السوري وسائل الإعلام للتصوير و راحو مع الجيش لجسر الشغور و شافو الحقيقة بس أكيد الجزيرة ما قبلت الدعوة و ال بي بي سي تذرعت أنو ما عندها مصور محترف تبعتو , ضلت العربية اللي فعلا" راحت و شافت الحقيقة و قالتها بس مع هيك قالتها بشكل خجول , مع انو بيخصصو نص ساعة ليحكو عن الفيديوات على اليوتيوب بس ما بيكلفو خاطرون يعملو ريبورتاج خمس دقايق عن اللي صوروه هني .
و لسا بيقلولي افتحوا الباب لوسائل الإعلام
باللادقية الأمور تمام , التكبيرات خفت عن أول بكتير طبعا" بعد تهديد الأهالي لتبعين قنينص و شلة الأنس أنو إذا عاد بيعملو إزعاجات لا الأمن و لا الجيش و لا الرب نفسو فينو يخلصون من بين إيدين العالم , و هلا فعلا" الله يساعد الأمن لأن مش مشكلتو المعارضين الكلاب لان بيعرفون بالاسم بس مشكلتو أنو شباب اللادقية ما بقا مصلايين عالنبي و خاصة بعد قصة جسر الشغور
الشي اللي يمكن ما كتيرين بيعرفوه أنو كتير من الامن اللي انقتل بجسر الشغور كانو من اللادقية و الاعداد اللي وصلتني هيي 12 من جبلة , 3 من الشبطلية , 1 من فيديو , 4 من القرداحة , و من غير ضيع في كمان بس لسا ما اكيدة مية بالمية من الأرقام على العموم هيدي الحادثة ما تركت براس حدا عقل و خاصة أنو لحد هلا الاهل ناطرين يرجعو الجثث و الأمن خبرون أنو كتير صعبة الواحد يتعرف على الجثة كاملة لان صار في تقطيع و تفسخ بالجثث , فصعبة يعرفو هيدي الأشلاء لمين , هيدا الشي خلا الناس تجن فعلا" , و ما عاد بدون يسكتو و ناطرين لحتى يرجعو الجثث لحتى ينزل الكل على الشوارع , أو حتى تتنظم مسيرة لحتى ينزلو و صدقا" لولا الأمن لكان صارت مجازر باللادقية
لأن اللي عم يصير استفزاز كبير كتير يعني تخيل ابنك مقطع و لسا ما رجعتلك جثتو و في كلاب عم تقول الله أكبر استجابة لواحد كلب متل العرعور . على العموم ما عاد في يا أمي ارحميني , و الأمن بدي يعرف أنو إذا هوي ما تصرف رح يصير شي كتير كبير , بس على ما يبدو بعد الهجوم على الطلائع بدي الامن يضرب بإيد من حديد

[/quote]