(07-02-2011, 04:18 PM)بسام الخوري كتب:  عن العلويين والفوبيا..ومايحدث
von Yamen Hseen, Samstag, 2. Juli 2011 um 05:06





النظام علوي.؟؟؟


لأ وبتاتاً خالي انسجن وخالي التاني كمان وياسر مخلوف قرايب الرئيس انسجن فوق العشر سنين لانو رابطة عمل وكذلك الامر ناس كتار من عيلة ملحم والدبس ومبارك وعمران ومعروف وبدران ومامنسى عارف دليلة وفاتح جاموس وغيرهن كتار ..كل هدول العلوية انسجنوا بوقت كان كتار من المسؤولين هنن من السنة امثال خدام والأحمر والاخضر والاصفر ومشارقة وبخيتان وكان جزء من الشعب يلي عم يتحرك هلق ضد النظام كان عم يهتف بالروح نفديك يا حافظ وبعده يا بشار بوقت كان عارف دليلة بالسجن

معناتها ببساطة النظام لاطائفة له ونص مسؤولينه واكتر مو علوية

خدام لم يكن نائبا لرئيس الجمهورية فتش عن العلوي أه صحيح مرتو كان عندها لفاية علوية كانت هي النائب الحقيقي لرئيس الجمهورية.
أما عارف دليلة فهو جاسوس للنظام على المعارضة. هو و خالك و غيرهم.

اقتباس:الفساد .. ؟؟

خيو تعوا لنشوف طبقة رجال الاعمال والصناعيين المستفيدين من الفساد شو مين قلكن مافي غير ابو الريم؟.؟؟ في كتار من اهل السنة استفادوا وفسدو الاخرس و حمشو وغريواتي وسنقر ووووووووووووو.. اذا الفساد ايضا لاطائفة له..

لو سمحت ما ذكرت من السنة هم رجال أعمال محترمين اضطروا للتعامل مع النظام و اضطر المساكين لمشاركة علويين بالإكراه فمحمد حمشو مثلا شريكه مساعد أول بالمخابرات و المسكين لا يستطيع أن يحك أذنه بدون رأي شريكه.

اقتباس:صار بعض الحوادث الفردية بحمص مثلا تكسير سيارات خطف مؤقت لشباب يعتقد انها شبيحة لتسجيل فيديو هون وهنيك .. قتل مدنيين متل العميد التلاوي وولاده وجاره علي حمود وجاره والطفل مالك السليمان واحمد الصالح ووو ..و تعرض زبال ابكم اسمه دريد صافطلي لطعن بالسكاكين بحي المريجة وغيرها من الاحداث الفردية ولكن المقرفة



اي لانو تم التعامي عن اي من الحوادث السابقة ولم يصدر اي ادانة الها مما جعل كتار من العلوية يحسوا اني في موافقة مبطنة على هالحوادث كما تم التعامي عن شهدا الامن والجيش يلي تلت ارباعهن علوية وانتقتلوا بايد مسلحيين وليس كما روي انو والله الامن عم يقتل بعضه لانو مادخلت بمخ حدا ولابتدخل انو واحد قتل رفيقو واجى تاني يوم رفيق الرفيق قتلو (البعض من الناشطين اكد وجود بعض ردات الفعل المسلحة بتلبيسة والرستن وبابا عمروبحمص) هذا التعامي من قبل التنسيقيات والمعارضة سبب هلع عند كتار ومنهم انا... انو خيو المدنيين الموالين او الامن والجيش ليش التعامي عن موتهم واذا الحجة انو اعلام السلطة عم يتعامى عن شهداء التظاهرات فهي حجة واهية اساسا انت قمت بثورة على كذب النظام واعلامه ليش لتعمل متله؟؟!!

طيب شو كمان..؟؟

حادثة نضال جنود يلي اتبين كيف اندبح وانقتل ببانياس وبين بالفيديو الاشخاص يلي ذبحوه

ومتلها حادثة الشباب الثلاثة الطراطسة بجوبر يلي تم التنكيل بجثثهن..

طيب ليش الكل سكت عنهم.؟؟؟ باستثناء اعلام السلطة وهذا مابيهمنا

ثلاث حوادث بحما اثارت الهلع عند الطرف العلوي

اولها تم شنق مدني بحجة انه عنصر امن وامام جموع غاضبة وبطريقة وحشية طلع الشب مدني وليس امن فقالو عنو شبيح وهي تهمة مطاطة وعرعورية

تاني حادثة تم قتل عامل مطعم من قرية الربيعة (لانو من الربيعة) بحماه طعنا بالسكاكين وكان معه رفقاته من تل الدرة بسلمية وماقربوا عليهم طيب بحما العالم عم تتظاهر بدون حدا مايزعجها ولا امن ولاجيش ليش قتل هالبني ادم.؟؟؟

الحادثة الثالثة .. حما عم تنزل تتظاهر ولاوجود لجيش ولا شبيحة وعم ينزلو العالم من الضيع يتظاهروا وماحدا عم يقرب طيب ياهل ترى مو من حق الموالين ينزلو بيوم واحد يعملو مسيرة تأييد؟؟!! هذا حقهم الديمقراطي برأيي... قاموا اكلوا قتلة واتكسرت سيارات من سلحب ومصياف وتم جرح عدد كبير من الشباب والصبايا

طيب اذا حوادث فردية ليش خايفين؟؟

كل ما ذكرت و حوادث فردية. علما أنك لم تذكر إلا غيضا من فيض.
الطائفية و الأصولية و التخريب و التكسير والعنف و القتل و التقطيع و التمثيل بالجثث هي السمة العامة لل"ثورة السورية" و لعل المسيرات الحضارية و السلمية هي الحوادث الفردية.

...

اقتباس:الاهم من كل هاد مشروع الدولة القادمة شو هو العقد الاجتماعي لسوريا هون خوف الاقليات كلها ..

مدنية.؟!! في زواج مدني.؟!! يا هل ترى علمانية؟؟

حدا بيقدر يجاوب نيابة عن الشارع المتظاهر ويقلنا الناس العم تنزل بترضى دولة مدنية؟؟

لو كان لدينا مجتمع مدني علماني فأنت و أنا نعلم أن الثورة و هذه المرة سأكتبها بدون علامات اقتباس كانت ستخرج من الزهرا و النزهة و عكرمة قبل بابا عمرو و باب السباع و من الدعتور و دمسرخو و الرمل الشمالي قبل الصليبة و الطابيات و العوينة و المزة 86 و عش الورور قبل القدم و الميدان.

نحن نعيش أزمة وطن كامل و ليس أزمة نظام.