(07-10-2011, 04:59 PM)The.Rebel كتب:  الشعب المصري كله خايف من الاخوان تمسك الحكم طب امال مين اللي هينتخبهم . صدقني الاخوان مالهاش شعبية في الشارع زي مانتا فاكر

أنا على تواصل دائم مع الشارع , مجال عملى الأن فى الشارع وزبونى هو رجل الشارع , ولو شاهدت كميه المنقبات والدقون اللى بتدخل عندى هتتخض , ويا سلام لو فتحت نقاشا مع أحدهم عن مستقبل مصر وان كان الأصلح هو الحكم المدنى أم الحكم الاسلامى , هتشوف أد ايه الانغلاق والتخلف وتصديره الدماغ .

الناس دى متعرفش الفرق بين السلفى والاخوانى طالما أن جميعهم ينادون بالحكم الاسلامى وتطبيق الشريعه , ميعرفوش معنى الديمقراطيه وحريه الرأيى وأهميه تداول السلطة , ودول بقه بالملايين , وهم من وصلوا بنتيجه الاستفتاء على التعديلات الدستوريه الى نسبه 77% لخيار " نعم " .

(07-10-2011, 04:59 PM)The.Rebel كتب:  .ولو مسكت الاخوان الحكم مش هتعرف تعمل معانا حاجة عارف ليه ؟؟ لأن حسني مبارك بذات نفسه معرفش يعمل معانا حاجة

مبارك استبد بالحكم 30 سنه وجعل من غالبيه الشعب المصرى " مخنثين " ورغم ذلك هو بالنسبه لهم ملاك , لأن الجماعه دول لو حكموا و طبقوا الشريعه الاسلاميه بحسب فهمهم لها وبحسب نواياهم التى ظهرت كزله لسان على لسان أكثر من عضو منهم يبقى سنه اللى خلفونا سوده ومش هتشوفوا يوم ابيض تانى .

أنا معنديش مانع يحكموا , وأنا على قناعه أنهم يستطيعون تحقيق نجاحات اقتصاديه واجتماعيه , لكنى لن أقبل أن يكمم أحدا فمى ويسلبنى حقى فى التعبير عن رأييى فى مقابل توفير فرصه عمل مثلا , لذلك لابد من وجود ضمانات دستوريه قبل اجراء أيه انتخابات .

(07-10-2011, 04:59 PM)The.Rebel كتب:  وطبعا مبارك لو كان قعد في الحكم الفترة اللي انتا بتتكلم عليها كدة كان ساعتها الحزب الوطني عرف يلم اوراقه وطبعا بمساعدة جهاز امن الدولة (سابقا) كان قدر يرجع تاني ولكن في صورة اقوي من الاول

كلام غير صحيح , لكن مفيش داعى للخوض فيه , اللى حصل حصل وأنتهينا .