الحمد للاو على السلامة عمر يعني لو كنت بعرف إنه بدك تكتب بموضوعي كان قيمت موضوعي 4 نجوم و خليت النجمة الخامسة بس تيجي .. عن جد بحكي و اللاوي

بس يا رجل الحق عليكم يعني إلا تطلعوا كل جمعة كل جمعة يعني خلوها جمعة آه و جمعة لأ أو جمعة كل شهر أي و اللاوي gززتوهم للجماعة ..و ما هيي الدنيي شوب خلقة و الواحد بالأمن أو الدرك بكون مستني آخر الأسبوع يروح عند الحجة اللي بتكون مجهزيتله صدر هالمنسف اللي مشتهيه طول الأسبوع .. فلما تكونوا السبب بإنه يضطروا يحبسوهم كمان أسبوع مشان إنتو طالعين اعتصام أكيد ما رح يستقبلوكم هناك بالأحضان يعني .. حتى أبسر السنة لحقوا موسم العكوب و الفول الأخضر و لا لأ .. يلا إن شاء اللاو الحجة بتكون مفرزة

على كل بخصوص الإصلاح أنا عندي اقتراحين: أول إشي بتتزكر لما وزعوا عليكم عصير باعتصام من الإعتصامات .. ليش ما تساووا جمعة من الجمعات (مو الجمعة الجاية بليز خلوها اللي بعديها) وتردوا للأمن هالمبادرة الطيبة و تسموها جمعة العصير .. لأنه بصراحة هلأ إلهم عندكم وحدة .. هيك بتثبتوا حسن النية و ممكن تكسبوا الشارع الأردني لصفكم برضه

الإقتراح التاني بخص خالد شاهين.. شو رأيكم تبعتوا منصور و أبو السكر و سعيد بمهة استخباراتية ورا هالشاهين منه بنرتاح منهم شوية هون و منه بلكي طلع منهم إشي مفيد و قدروا يجيبوه لمقصوف هالرقبة .. مو غلط كمان تبعتوا أبو فتوى بلكي تلحلحله شوية بس شاف النساوين الحلوة و رجعلنا بأفكار تنويرية بدل ما هوي نازل يبدع هون

صحيح شو بالنسبة للشتوية؟ هيها كم شهر و بتسير عالباب و حضرتكم أشرتوا في مداخلتكم و قلتوا إنه لسا مشوار الإصلاح طويل .. فيعني رح تختاروا هالمرة قطعة أرض للاعتصام الشتوي بعدين لما تبخلها شوية رح تروحوا لأقرب جسر و تسكروا الطريق و لا من أولها رح تختاروا مكان مضبضب .. أنا بقول خلوا الإعتصامات الشتوية بشي صالة رياضية شو رأيكو؟ و اللاوي الدنيي بتمغرب على بكير بالشتا فما بدنا مشاكل سير اللاو حبيبي يرضى عليكم يا ربي
بعدين طلب قبل أخير يا خوكم.. يعني المكان اللي بتعتصموا فيه لا تغيروا اسمه ..مو بكرة شتوية نسمع إنكم بعد ما اعتصمتوا بصالة الأمير حمزة صار اسمها صالة التحرير مثلاً.. الشغلة ببطل فيها عصير و شيبس بعدين

و الطلب الأخير.. يا ريت تنورونا مين الحركات اللي بتتبع ائتلاف 24 آذار بالضبط؟ و تنورونا عن السبب اللي مشانه أغلب جهات "المعارضة" مو مآمنة فيه؟ يعني هل هي مجرد حركات نذالة منهم ولا في هنالك أسباب ما بنعرفها ؟

و بالنهاية لا يسعني إلا ان أشكر كل جهود الإصلاح و لا أنسى الزميل ثندر الذي حرك موضوعي هذا و الأهم إنه خلانا نطمن على صحة الزميل عمر

pssst.. خالد : أضحك اللاو سنك