شو يا نوار
أنا محايد لأنو ما حدا بيستاهل منكن وقف جنبو , خليكن اخلاقيين بكون اول واحد معكن , مشكلتكن أنكن عم تستشرفوا على العالم , يعني اي واحد مالو معكن فهو خاين وعميل , وكل واحد بيسكت او ما بيحكي عن يلي بيصير بكون سيطان اخرس .
في السياسة ما في اخلاق ولا ضمير , هاد يلي بعرفوا , ويلي بعرفوا اكتر انو انتو او الطرف التاني لما عم يحكي عن اشخاص او افعال مو لأني ما شاء الله تحركت مشاعركن أو انو صرتوا المدافعين عن حقوق الإنسان , كل ما هنالك انو اللعبة السياسية بتتطلب توجيه اكبر عدد ممكن من الركلات للطرف الآخر , وكل طرف عم يدور على سلبيات وسقطات للطرف الآخر .
طيب أنا رح كون معكن وما عندي أي مانع , بس فرجوني الوجه المشرق لألكن , فرجوني أنو انتو عنجد عالم متحضرة ومستقبل سوريا رح يكون بأيد امينة , فرجوني ديمقراطيتكن فرجوني شيء بخليني عنجد صدق أنو رح ندخل لمرحلة ديمقراطية بوجود ناس متنورين .
يعني هلأ نحن ما منعرف شو عم يساوي النظام , او شو عم تساوي المعارضة ,ل واحد عندو هدف , والوصول لهل الهدف لا بد من استخدام اي طريقة كانت شريفة أو غير شريفة , وأنا ما بثق بمعارضة بتستخدم اسلوب النظام يلي عم تعارضوا , هي هي المشكلة يلي لهلأ ما حدا يفهم أني ليش مالي مع المعارضة .
ابو ابراهيم فاتح موضوع عم يهاجم فيه البوطي , مو لأنو فاسد اخلاقيا ( العرعور ايضا فاسد اخلاقيا ) ولكنه لأنه ليس مع المعارضة , فعندما أجد انسانا يكيل بمكيالين فيحق لي أن اتساءل عن نوايا هذا الإنسان الذي يفاضل بين شيوخ وشيوخ مع أنهم كلهم في نفس الميزان , فإن كان البوطي ينافق النظام السوري , فإن العرعور ينافق النظام السعودي .
أنا مع أبو ابراهيم في أن البوطي منافق ولكنني لست معه عندما يعارضه لأنه ليس معه , مبدأ إن لم تكن معي فأنت عدوي إذا لم يتخلص منه الإنسان فقإنه سيبقى يراكم عداوات فوق عداوات .