ما قلنالك يا علي،

انت ضد المعارضة، ياخي اعتبري لمرة المعارضة هاي مختفية،

انت كإنسان مسلم شيعي رافض للظلم وماشي على خط الحسين زي ما بتقول، ما انت ماشي على خط الحسين والا بس لعق على اللسان كما قال الحسين؟؟

انت كإنسان مسلم شيعي رافض للظلم، في عندك 23 مليون بني آدم مظلومين بسوريا من 40 سنة، بدنا اقتراحاتك شلون يتخلصوا من الظلم هاد ويصير عندهم مثلا جمهورية إسلامية زي جمهوريتك بإيران، ويعيشوا بثبات ونبات ويخلفوا صبيان وبنات.

أعطينا اقتراحاتك..

إذا كان اقتراحك للعالم إنها تاكل هوا وتسكت فما رح يفيد، ليكه رمضان بعد 10 أيام، وسيعلم اللذين ظلموا أي منقلب سينقلبون.
أما إن عندك اقتراحات عملية فأذكرها هون.

طبعا ما بدي أسألك شو هي مصادرك يللي من خلالها عرفت ان المعارضة شراميط ورح يبيعوا البلد لإسرائيل، لأني بعرفها شخصي للمصادر هاي، وما رح أقلك إنه موقفه صعب يللي رح يعتمد على هيك مصادر في الدنيا والآخرة، لأني بعرف ما رح تسمع ولا رح تستفيد.

خلينا نعتبر المعارضة اختفت، وعنا شعب سوري مظلوم وسلطة مجرمة ظالمة ذبحت العالم دون تمييز من 40 سنة بمعدل أعلى بكثير ممن قتلهم الانتداب الفرنسي والعدوان الاسرائيلي بل والحكم العصملي سوا.
فخليني أشوف طريقتك المعتمدة على أهل البيت عليهم صلوات الله وسلامه شلون رح نحرك البلد للخير..