يعني ما ممكن الواحد يكون مسلم وأردني...

مين منع هالكلام؟؟ وليش منعه، وبأي حق؟؟

لو نقول للأردنيين، الستة مليون، ان تخيرتم بين الإسلام والأردن، شو بتختاروا؟

هلأ ياسر أبو هلالة من معان، من عشيرة عايشة بمعان من كم ألف سنة، وجاي على باله انه الانتماء الوطني هاد مبني على غريزة، وجاي على باله انه الأفضل للبلد يكون أساس الانتماء الها مش بقعة أرض فصلها سايكس بيكو، بل مبدأ معين، يللي في حالتنا هاي كان الإسلام.
هلأ شو المانع يختار ياسر أبو هلالة الانتماء تبعه، ويدعو أهل بلده أن يكونوا مثله، وليش غيره مسموحله أن يقوم بالدعوة المعاكسة؟

هل الموضوع استقواء مثلا؟ هل الموضوع انو نحنا موجودين مثلا يعني بالأردن قبلا عنه وبدنا نفرض عليه كطارئ اجا أول مبارح مع عشائر الكراشين من شي محل، فبدنا نقله يا غريب كون أديب والزم عرف البلد يللي ضبك؟

لو مثلا سايكس بيكو غيروا الخريطة شوي وصارت معان تابعة للسعودية شو بدنا نقول لياسر أبو هلالة؟

ما بعرف ليش بحسه صعب أن نوضح الواضح، ونشرح المشروح، ونعيد اختراع العجل، ونفهم الناس انه السلطة السياسية شي مغاير للبلد، السلطة السياسية هي أجير عند العالم يللي قاعدين بالبلد حتى تحكم بإسمهم، ويمكن بيوم ما يعجبهم شغلها فيعطوها معاشها ويصرفوها ويجيبوا غيرها..