لأ عزيزي ما وصلت الفكرة، لأن فكرتي ما وصلتك باينتك تخيلت شي وجاوبت عليه...

خلينا نعيد من أول،

عزيزي يللي عم تتخيل تحريري وأخ مسلم ورا كل زاوية،

زمان السبعينات والثمانينات ولى،

والمعارضة التقليدية يللي تعرفها مش هي يللي عم تخاطبك، ولا سليل الخلفاء العثمانيين معك..

عزيزي،
زي ما انت بدك ترفض "الخلافة" رغم اني متأكد انها مش موضوعنا، وزي ما بدك ترفض ضم الأقاليم التي فتتها سايكس بيكو وجعلها دولا على حين غفلة من أهلها، وزي ما انك شايف الأردن قارة من القارات الخمس، وسوريا قارة ثانية، ومصر قارة ثالثة، ومدري شو قارة رابعة، وبدك تعمل برنامج سياسي يكرس هذا التقسيم والتجزئة، وترى لك كل الحرية بذلك
وزي ما بدك ان تقوم ببرنامج سياسي فكري ينشر العالمانية في ربوع المشرق

فلغيرك أيضا كل الحرية أن يدعو إلى كل عكس ما تقول، ولغيرك الحرية أن يدعو للخلافة ولضم الأقاليم المتشكلة في المشرق إلى دولة واحدة كبير تسميها الولايات العربية المتحدة، تسميها اتحاد الجمهوريات العربية، تسميها الخلافة هاد ما مهم عندي هلأ، المهم عندي أنه صاحب الفكرة له كل الحق أن يطرحها دون أن ترهبه أنت وغيرك من الزملاء ببساطير عسكرية ومناقل شوي وما شابه.

هلأ شو هنن الشقيقات يللي ما عاجبك ينضموا لبعض؟؟ خلنا نحط بينهم حاجز لمنع الاختلاط المحرم هاد، وتكرم عيونك.. يعني مثلا نحنا الأردنية ما نتدخل بلبنان، وانو لبنان ما يتدخل فينا وينصر الفئات السياسية المتنافسة في الأردن بعضها على بعض؟؟ هيك ممكن مثلا؟

بالنسبة الي ما بشوف مانع أتدخل بلبنان كمان، مو بس لاعتبارات فكرية، بل لاعتبارات شخصية حميمة جدا...