يا حبيب قلبي، ما وصلت الفكرة بعد، خليني انا عيدلك؛ بعدك معلئ على نفس الفكرة وما بدك تضهر منا. لعم بتسميها قارات هيدي اسما دول، وعندا حدود معترف فيها بكل العالم، ومنا لا مفتتة ولا محرومة من حضن ولا انسرئت هيك "على حين غرة". بس انت لأنه بال"مخيخ" عندك معلئة فكرة "الأمة" و"الخلافة الراشدة" فمتصور انه هيدي الدول مسروئة وانسلخت سلخ عن حضن "الأمة".
انت مصمم انه نحنا واحد، وما بدك تستوعب انه الوقت بيمشي والزمن بحياته ما هدي. ونحنا منا واحد،ولا نحنا متساويين، الشجر منو بطول بعضو يا حبيبي.
ومتل ما سردتلك بأول رد، انت حر تعمل شو ما بدك، اصطفل، بس عرف انو حريتك بتوقف عند حرية غيرك. ومشروعك الإسلامي الخليفي، ما بيترك شي إدامو الا وبياخدوا معو، فهون انت يا استاذ خالد، عم تتباكى على حرية لترجع وتسرقا من الكل اول ما تحط اول اجر على بلاطة الملك. اما المشروع العلماني فهيدا بيضمن للملحد انه يلحد متل ما بدو متل ما بيضمن ليلي بدو يئضيها صلاه بالجوامع والكنايس يصلي على راحته. مشروعك بدو يطبق شريعة "كائن" عايش براة الكون بينما مشروع العلماني بدو يطبق اوانين وضعية نعملت لخدمة المجتمع وبتتغير مع المجتمع... بالدولة العلمانية الأوانين بتطبئ عالكل وبيتحاسب الكل؛ بس انت بشريعتك كيف بدنا نحاسب "ولي الأمر" لما يخبص؟ او كيف بدنا نغير ربك لما تعفن أوانينه؟)))
اما بخصوص "الشئيئات" —عيد هالكلمة 3 مرات عصوت عالي لتعرف ما ابشعا عالدَينة— فالموضوع كلو ما عاجبني)))) اما بخصوص حميميتك الجدية جداً، فكمان اصطفل كيف بتتدخلوا وبتداخلوا ببعض ومع بعض ما بتفرئ معي هيدا شأنك، اما غير هيك فما الك خصة. فشيل موضوع الأمة والشئيئات من راسك، وعرف انه لبيكبر فشختو بيوقع)))))