برضك ما فهمان علي يا عمري

الهدف من الحكي كله انه متل ما حضرتك الك حق ترفض مشروع خالد تبع الخلافة والاخوان المسلمين وحزب التحرير والسلفيين والتوحيد وشو كمان في بعد نسيت ذكرني، كمان من حقه لخالد يطرح مشروعه بدون ما ينزل منقل الشوي على راسه، الا شو؟؟

هاد هو موال العتابا يللي عم نغنيه، بس انت ما بعرف انو موال عم تغني، يعني اختلافك مع خالد لأنه بده العالم تحكي شو ما بدها بدون ما ينزل منقل الشوي على راسها، اما لأنه بده خلافة مثلا؟ اما لأني ما بعتبر لا الأمم المتحدة ولا استقلال لبنان اشي مهم توقف عنده الزمن وما عاد يمشي؟

خايف ليفقد لبنان استقلاله يعني من كلامي؟ من حريتي بالتعبير عن رأيي انه كل هالدول يللي شايفها في المشرق لفة وحدة دول صناعية ما الها مقومات الدول؟ خايف من الحقيقة هاي فعم تحاول تحصر حق حرية التعبير على "العالمانيين" " الليبراليين" "المتنورين"؟؟

جربت اشوف شي ينفع للبحث في باقي مقالك، وجدت الفكرة نفسها، شبح الاسلاميين المخيف، غول الخلافة المرعب، الحذار الحذار البدار البدار، هول العالم ما بيلبقلهم غير فرع فلسطين وابو زعبل ومنقل الشوي، شلون يسترجي واحد بده يجيب الاسلام السياسي يتنفس ويمارس السياسة بدون ما يمرق على بيت خالته؟؟

عزيزي صعي قبل لا أنسى، كوني محترمك وعم آخد وأعطي معك زي ما العالم بتحترم بعضها خصوصي انو ما ماخدين وجه على بعض، يا ريت الألفاظ يللي ما بتسوى تحتفظ فيها لغير شخص وغير مناسبة، كلمة مخيخ هاي ما مناسبة للحكي بيناتنا بالمرة لأسباب كثيرة،
التصغير تبع مخ يراد منه التحقير، عاد شلون عم تحاورني وانت بتحقرني؟ وشلون زبطت هاي مع وثيقة النادي يللي كبست على زر موافق عليها؟
المخيخ الحقيقي الموجود في الدماغ غير مسؤول عن التفكير،
والأهم إنه ان ما حاسس حالك مضطر تحترمني رغم اني عم احترمك، فما في داعي تفكر كثير بيللي عم يقولوا مخيخي،...

---

في مشكلة بالمواضيع، بتنحل باضافة رد جديد على ما يبدو