(07-26-2011, 12:53 PM)Narina كتب:  مي تو

الكرتون اسمه (عهد الأصدقاء) .. روميو بكون رايح يدور على أخته بيانكا و بسير يشتغل بتنضيف المداخن و بكون معه صاحبه اللي بيمرض ..و بمبينو (المخلوق اللي بكون مع روميو) هادا ابن عرس (مو مسبة عن جد هيك اسمه)

على سيرة بمبينو تزكرت بوتشي .. عن جد كيف نسينا بيل و سيبستيان؟!

[video=youtube]ءhttp://www.youtube.com/watch?v=ZyChNKz8UuA&NR=1[/video]

يا اللاو ما أحلى هديك الأيام

صرلي ساعة بدور على سمايل يعبر عن نفسيتي ملقيتش أحسن من هاظ...
والله يا نارينا انت عملتي معروف لن أنساه لك ما حييت..

(07-26-2011, 12:53 PM)Narina كتب:  أول كلمة تعلم يكتبها أخويي الزغير كانت (نوار) بعد ما طلب أقرأله إياها من أغنية البداية تبع مسلسل نوار
عن جد كنت أحب هادا الكرتون .. كان عنا شجرة نفنوفة بالحارة القديمة كان المسلسل يزكرني فيها..



من زكريات الكرتون بتزكر إني كنت أجنن أمي مشان تخيطلي متل الفساطين اللي بيلبسوهم بالكرتون و اللاوي كانت تخيطلي شغلات حلوة إلا اللاوم هيي مرة وحدة اللي اعتمدت على حالي و ضليتني سهرانة لل 12 مع إني كنت أنام مع الجاج مشان أساوي متل الإشي اللي بتحطه كوكي اللي بالفتى النبيل على راسها من بواقي قماش و شبر و مطاط كانوا عند أمي.. أوكي ما ضل محل بأصبعي ما غزته الإبرة وقتيها بس بتزكر طلع حلو و تاني يوم ساويت كعكة متل تبعت كوكي و طلعت ألعب بالحارة و ضل عندي لوقت قريب بس ضيعولي إياها مع ألعابي لما رحلنا

اعذريني متابعتش لا نوار ولا كوكي اللي بالفتى النبيل... أما على كل حال الله يسامحهم على هالعملة وكل امرئ بما كسب رهين...

في عندي حلقة سرية محدا من هون بعرفها، ومن الساعة 6 لحوالي 7.30 - 8 وانا ادوّر عليها، لأني بعرفش اسمها ونسيت اسم الشخصيات اللي فيها، ورحت اسأل امي عنها بقت وقتها صاحية من النوم واتعصبنت عليّ...
أما بالآخر جبتها : اسمها THE SILVER BRUMBY



بقيت اعشقها أنا وأخوي الصغير...