عزيزى عاشق , محمد الفايد اصلا لم يكن لا من أصحاب الاراضى ولا كان ليه اصلا ارض فى مصر - فكيف لأبن مدرس من اقل من طبقة متوسطة , كانت تسكن فى حى باكوس الشعبى واللى كان اصلا سوق , ان يصبح من أصحاب الأراضى. وحتى الأن قصة ألتحاقه بتجار السلاح فى الأسكندرية , وسفره للسعودية وتكوين ثروته - أحد الألغاز المحيطة بيه والتى لا اعتقد انها هتظهر على الاقل فى حياته. أما عن الفايد وأحترامه لمبارك وأعتباره من افضل حكام العرب وبلا وبلا بلا. فلا الفايد اشتغل فى مصر وجرب نظام مبارك فى أدارة الأقتصاد والتضحية برجال الأعمال فى مقابل أما مصالح أبناءه او تهدئة الشعب - كما تمت التضحية بهشام طلعت مصطفى وأبو الفتوح و غيرهم كثيرين . ده غير الأساليب الملتوية اللى اتبعوها فى أدارة البورصة والأستثمارات الأجنبية ونظام الشراكة مع أحد افراد العائلة المباركة. فلو كان الرجل بتلك المميزات الرائعة , لكن الحرامى " محمد الفايد " أول من قفز الى مصر وحقن ملايين من الدولارات فى استثمارات - بدلا من جريه وراء العائلة الملكة فى بريطانيا ومحاولة البحث عن أدلة قتل ابنه ...

محمد الفايد هو حرامى بقيم وقوانين المجتمع الأوروبى اللى تعتبر المتهرب من دفع الضرائب على قدم المساواة مع المجرمين وناقمى نعمة المجتمع اللى بيعيشوا فيه. فلو الفايد اصلا حصل على الجنسية البريطانية اللى حفى عشان يخدها - لما سمعت له كلمة اصلا عن المجتمع المصرى ولا حتى الأحداث السياسية اللى بتجتاح العالم. ومن الأخر كده , الفايد بيدور على ورق جديد يلعب بيه , لا اكثر ولا اقل...

هالة , وعليكم الويلكم :9